【宏福苑五級火】宏泰居民質疑政府以捐款收購業權 指手法「高明」
【獨媒報導】宏福苑發生五級火後，政府提出長遠安置方案，居民需要在6月30日前決定是否出售業權。居住在宏泰閣的廖先生再次上樓，他就對政府將捐款用作收購居民業權「有微言」，指去年12月初有報道指神秘男子四出收購宏福苑業權以獲取賠償，政府當時曾點名譴責。廖先生認為，政府如今以捐款用作收購業權，手法是更「高明」：「即係嗰個神秘男子，至少係用自己嘅資金，政府今次就係攞咗好多善長人翁嘅錢，走去買宏福苑業權。」
廖先生居住在宏泰閣，其單位內部沒有被大火焚燒，但家中物品被燒至熏黑，玻璃窗亦爆裂。他在首次上樓時已帶走最貴重、最希望取回的物品，今次主要是希望能夠帶同9歲的女兒一起上樓。
攜9歲女兒上樓 大火後一直解釋事情來龍去脈
他表示女兒一直希望再次回家，在對上一次上樓了解單位情況後，認為環境安全，適合女兒上樓，便讓她與單位道別：「咁小朋友其實一直都想番屋企望吓，咁所以今次又會帶埋佢上去睇下，俾佢同自己同屋企say goodbye。」不過，廖先生指女兒有少許緊張和害怕，但也十分生性，「佢會話有媽媽爸爸陪住，咁就ok。」
廖先生指自大火發生以來，均沒有向女兒隱瞞事情，並將她當作「小大人」般看待，解釋事情的來龍去脈。此外，他在對上一次上樓時，亦有在單位內部拍片記錄，讓女兒有心理準備獲悉家中情況，再決定是否上樓。
再度上樓心情稍放鬆 望原區安置
談到再次上樓，廖先生指對上次的心情較緊張，上樓前一星期均無法入睡，既擔心3小時不足夠執拾物品，又不清楚單位是否已被完全燒毁，深刻感受到何謂「近鄉情怯」，形容心情忐忑。
他今次心情就相對輕鬆，並「托賴」已在上次取回貴重物品，只是昨晚仍然無法入睡：「同埋今次壓力冇咁大啦，都講過今次都隨緣，冇啲咩執所以相對輕鬆，好似啱啱咁樣講啦，主要執少少嘢同埋帶個女一齊睇睇間屋啦。」
此外，廖先生女兒在宏福苑旁邊的大埔墟浸信會小學就讀，被問到希望原區安置，他明講「當然想」：「如果可以，理想當然想，但都感恩嘅就係，浸信會小學嘅安排安排好好，亦都對宏福苑住嗰班小朋友有特別嘅關照。」
質疑保險金遲遲未有消息 「竊鉤者誅，竊國者侯」
廖先生提到，去年12月初有新聞指有神秘男子四出收購宏福苑業權以獲取賠償，政府當時亦譴責此事。然而，廖先生認為，政府如今向居民收購業權，本質上實乃如出一轍：「咁但係我依家睇返政府，其實個安排我又覺得，本質上冇乜特別嘅。」
他質疑政府將捐款用作收購業權，手法甚至更「高明」：「即係嗰個神秘男子，至少係用自己嘅資金，政府今次就係攞咗好多善長人翁嘅錢，走去買宏福苑業權。」
除此之外，宏福苑大維修費用涉及保額高達20億的保險。廖先生同樣質疑，保險金遲遲未有消息，最終或歸政府所有：「你一直都唔賠嘅，咁似乎就都要去等到政府轉咗手之後，就交俾政府處理嘅會。」他明言感到無奈，「成件事就真係我都唔知點去評論。」他又暗諷當局安排不合理：「但竊鉤者誅，竊國者侯，我諗係咁嘅意思啦。」