【獨媒報導】大埔宏福苑七幢受災大廈今日（5月25日）繼續開放居民上樓執拾。年屆七十的宏福苑第一代入伙業主劉先生，在宏福苑擁有兩個單位，他今日到宏昌閣的高層單位執拾。他與兒子一同到場，不過卻未有打算上樓，指自己年紀大，體力不繼「知道唔係幾適合上去啦」。

劉先生向記者憶述火災當日逃生經過，自覺幸運：「執返條命仔嘅，算係咁，阿彌陀佛啦，感恩 。」他因吸入大量濃煙，一氧化碳中毒，需留院一個月。

嘆業主只能「各自各執生」

面對家園被毀，他表示無言，嘆災後業主只能「各自各執生」，「無嘢好講啦！都冇咗啦個家園，點啫？奈何咩 ？希望妥善照顧下我哋啲業主！好簡單。」被問到會否對單位感不捨，他激動表示感到十分無奈，無可奈何，「奈何啫，捨得又係咁！唔捨得又係咁！好無奈呀！宜家希望以後嘅生活點樣，妥善安排我哋得啦！」

由20樓逃至4樓力竭 勸子先走「消防遲一個鐘我都bye bye」

劉先生憶述大火當日與兒子逃生的情況，他們火災時在宏昌閣20樓的單位，聞到「𤓓味」後便走岀單位查看，只見旁邊的單位冒出黑煙，便趕緊下樓逃生，忙亂中他亦不忘先取回身份證，兼各以一條濕毛巾揞住口鼻才下樓。到達四樓時因體力不繼，劉先生著兒子先行離開，「我叫佢走啦，唔好理我！」他於梯間坐下，心情未算慌亂，只知「唞氣好難啊，好辛苦咁樣」。他留至晚上約七時左右才被消防員救岀：「消防員唔嚟嘅話，遲一個鐘我都bye bye 㗎喇！」他隨後被送院搶救，需留醫一個月。

兒子憶拉父逃生 踢開燃燒雜物求救致腳燒傷

談及驚心動魄的逃生經過，劉先生的兒子同樣猶有餘悸。他指當時梯間濃煙密佈並向上蔓延，「成個逃生過程我都拉住佢 ，你諗下佢七十幾歲，烏低身咁樣落樓梯，幾辛苦。」至四樓時，父終竭力倒下，他唯有「一口氣衝咗落去搵消防救佢」。惟到達地下、推開防煙門後卻發現，整個公園都佈滿建築物料，又不斷有棚架及火舌從高空掉下，為了趕快找到消防員把父救岀，他情急下用腳踢開了一些燃燒雜物，因而燒傷了腳。向消防傳遞了父親仍在梯間的訊息後，他便不支倒下。模糊間只知道消防員奮不顧身地衝入火場救父，自己則被送上救護車。

質疑火警涉刑事 促徹查工人爭執內情

兒子劉先生認為，災難已發生，現時只能向前看。相較於收購業權或捐款去向等問題，他希望社會各界能多關注起火原因，「我覺得係刑事案嚟嘅，我亦都覺得係有人蓄意去做呢樣嘢。有啲事情我已經同警方交代咗嘅，所以其實我好希望佢哋可以徹查，去尋找嗰個元兇。」他指火災前約一星期，曾親眼見有工人或判頭在爭執，亦有發生推撞，「而家嗰個調查委員會（獨立委員會），好似冇乜關注到其實啲工人究竟發生緊啲咩事。姑勿論係出唔到糧、或者其他嘅因素，我覺得喺呢一方面，應該要盡力去調查。」