【獨媒報導】宏福苑居民第二輪上樓執拾，宏建閣2701室住戶李先生一家四口與母親上樓。他指取回大約30袋物品，包括玩具、具紀念價值的相片和重要文件﹐家人回家後亦情緒激動，不禁流淚。他又表示不滿政府的「樓換樓」方案，實際上並沒有選擇：「我覺得就好似四餸一湯煮好晒俾你啦，你唔啱食你都要食！但係我食齋喎，一巴冚埋嚟！你食咩齋？你繼續要食啲嘢！」他認為自己是被逼作決定，「咁逼我哋揀啫嘛，咁就係叫做你情我願咩？」

家人回家後淚流 對未來感不安

對於有可能是最後一次上樓，李先生今次特意攜同兩名子女回家，與舊居道別，並指家人在回到單位時情緒激動，傷感流淚：「小朋友、媽媽都喊囉，始終咁多年！咁個細路仔都住咗12年啦、一個住咗8年，一下子乜嘢都冇晒！」李先生和8歲的兒子向《獨媒》表示，父親在大火之前已經離世，但家中仍有很多與父親相處的珍貴回憶。他指父親見證兒子出生，之後亦一直照顧他，惟最終無法從單位中搬走父親生前買的傢俬。其兒子就表示，回到單位時有與已離世的爺爺傷感道別，並說：「走啦爺爺………唔好留喺到啦，走啦爺爺……」他指對屋企感到十分不捨，「每個部分都唔捨得」，今次上樓帶走心愛的玩具巴士模型，以及爺爺送的禮物。


李先生兒子（圖片由受訪者提供）

李先生又憶述，兒子曾於大火後問他：「點解我返學校，第二日屋企都冇埋嘅？」李生對此感無奈，覺得難以跟小朋友解釋，不知如何回應，唯有依靠學校社工幫忙開解。他指作為一家之主，自覺有責任照顧母親和太太，因此在家人面前表現堅強、豁達，盡力安慰他們：「喺佢面前一定要話冇事嘅，一家人向前行，有屋嘅人喺到就係一個家。」

然而面對未知的去向，他在夜闌人靜之時也會自我懷疑，對前路感到不安定，「但夜晚嗰時，我自己一個時，其實我有咩方法可以做到呢樣？或者我自己安排，自己舒服返自己情緒，我都唔知。」

批「硬食」政府收購方案

李先生又批評，當局無法回應居民需要，不滿無法返回宏福苑居住，亦批評法團管理人合安舉行的簡介會不知所謂：「合安開完嗰個簡介會定發佈會，我都唔知講乜嘢！我哋問佢又唔答又唔剩，係咪先？咁我都唔知可以做到啲乜嘢！」他續指，政府收購業權所賠償的金額，並不足以讓他們重新購買與宏福苑環境相若的單位，最終變相只能「靠自己」。

對於政府的「樓換樓」方案，李先生亦形容無可奈何，並以「四餸一湯」作比喻，認為實際上並沒有選擇：「我覺得就好似四餸一湯煮好晒俾你啦，你唔啱食你都要食！但係我食齋喎，一巴冚埋嚟！你食咩齋？你繼續要食啲嘢！」他認為自己是被逼作決定，「咁逼我哋揀啫嘛，咁就係叫做你情我願咩？」他指，如政府未來就安置方案立法，居民也只能無奈接受：「咁我都冇得 say no㗎係咪？我唔通同佢講話唔制咩，如果到時候立法，到時候又唔知我哋點點點、咁咁咁，我都唔知。」

李生坦言，最理想是繼續在宏福苑居住。他指宏福苑不僅地理位置良好、交通方便，而且單位向海，也方便在大埔浸信會公立學校就讀的女兒上學。他亦隔空回應早前有居民提出「幸運論」，李生指不解何以會有資助「多到洗唔晒」、「我想問吓佢同邊度申請？」他指自己只能「死慳死抵」節省支出，幫補家計。

質疑政府「同市民鬥氣」

大火至今近半年，李先生批評政府和市民「對著幹」，他以上樓執拾為例，指當局並沒有安排倉庫讓居民暫存物品，「其實我哋呢啲嘢搬喺邊度，又要自己搵倉又要剩！即係我覺得變相就好似你係咪同市民鬥氣呢？」他亦不滿執拾的日子和簡介會時間重疊。另外，居民未安頓便要處理收購業權的問題，同時亦無法召開業主大會，未能得悉樓宇狀況，「咁你調返轉頭，如果你哋安頓好晒，俾你哋逐啲逐啲上去，或者點樣聽返嗰個合安個簡介會，俾我哋開返個業主大會，我哋都好，咁起碼都令我知道我係咪真係住唔到。」

他質疑，宏建閣只有一個單位被焚燒，是否真的不適宜再供人入住，「我哋宏建嗰邊住唔到啊，定係可以重修啊？定係可以測完佢話可以3,000萬維修返，俾個答案我都好啊。」