【獨媒報導】宏福苑居民今日續上樓，宏昌閣30樓居民崔先生，仍未能尋回求婚戒指及金粒，「想搵嘅嘢都搵唔到」。崔先生的單位嚴重損毀，早前更被堆滿鄰居雜物，後獲政府協助清理，他今特意帶同兩部攝影機，仔細記錄家的每個角落留念。大火今日滿半年，他卻感火災猶如昨日，慶幸當日早上送2歲女兒到外婆家，「如果唔係我個女都唔喺度」，對未來何去何從感茫然。

《獨媒》早前報道，崔先生首次上樓時赫見住所堆滿鄰居雜物，包括煙盒、杯麵，政務司副司長卓永興其後道歉，解釋指救援人員搜尋同層住戶愛犬時，曾將該單位雜物搬出公共空間，並承認同層其他單位亦有類似情況。

即使曾花上一整天清理，單位仍然「冇乜嘢淨得返」，環境依舊混亂，垃圾、雜物與灰塵混雜。他上樓前表示盼尋回求婚戒指及金粒，以平常心再次上樓：「抱住上去見最後一眼嘅心情，即係可能同間屋做一個最後嘅道別。」

他續指，雖然早已預料單位情況不理想，但仍難免對心理造成壓力，而實際情況亦較預期更為惡劣，同時再次勾起對在世及已離世街坊的回憶。因此，其太太亦因此決定不再上樓，今次僅由他一人前往單位。

崔先生於宏福苑居住多年，特意帶同兩部運動型攝影機上樓，記錄整個收拾過程，以作留念：「呢到係自己買，咁其實都好有感情啦，其實有機會畀我返嘅時候，其實我都想上去再睇下嘅。」

記者提及今日為大火後半年，崔先生一愣說「仲好歷歷在目，你唔提我都唔知啱啱半年，因為嗰日對我嚟講就好似今日，係一個風和日麗嘅日子。」他憶述，以往有時會請岳母到宏福苑照顧2歲愛女，幸好當日早上決定送女兒到岳母家。他上班途中收到妻子通知屋企出事，當晚他站在對面公園觀察火勢，已見單位陷入火海，事件已成心理創傷。

「到𠵱家為止，仲適應緊過而家嘅生活。」他指難稱這是新生活，皆因未來要遷往何處仍是未知之數。他續指，作為住戶仍未能深入了解安置安排，所得資訊與大眾在新聞所知的無異，「淨係知道要填表，份表⋯⋯我感覺上係填，無乜得 say」。其父母在同屋苑宏建閣居住，他擔心兩家人將要遠離，無法互相照顧，「每一次搬遷，我同我屋企人都要好努力適應」。他冀政府考慮不同居民的意願，提供更多元化選擇，同時提供更清晰資訊。