【獨媒報導】宏福苑五級火發生至今半年，陳先生今日回到父母居住的宏建閣的單位，怒斥政府長遠安置方案未有顧及退休長者的困境：「樓換樓如果想有個大少少嘅單位，好彩抽到嘅話，你都仲要補錢，佢啲錢喺邊度嚟？你叫佢哋供？上唔到會。有錢出去租屋住，咁嘅年紀有無人租畀你呀？」

陳先生今日與朋友再次返回宏福苑，到父母宏建閣高層的單位，取回上次漏帶的物品，包括父親的電腦和雙親的衣物。他指單位完好，狀態跟日常回家無異，惟父母暫居過渡性房屋空間有限，亦不想辛苦上樓幫忙的朋友，因此放棄取回傢俬。

他形容長遠方案有如懲罰不願售業權的居民，批評當局欠同理心，「可能佢哋間屋無被人燒過，可能佢哋間屋被人燒過就會有同理心，如果係咁嘅話，我都希望佢哋間屋被人燒吓。」

被問到大火發生半年來的感受，陳先生稱既憤怒又疲累，包括分析文件是否有「魔鬼細節」。他慶幸有一班高質素街坊提點和支援，互相交流意見，感激街坊臥虎藏龍，「估唔到依家宏福苑有咁多勁人喺度」。


黃小姐

指收購業權方案對居民「肯定係蝕」

另一宏建閣居民黃小姐今日亦再次上樓，打算收拾較重的物件。她表示，偶爾會想起父親曾指在宏福苑的過去生活安穩，港英政府在80年代興建了屋苑，特區政府今日卻以市民善款收購居民業權。她又慨嘆昔日「樓下區議員會驚冇選票」，當局現在則害怕宏福苑居民「貼喺窗口嗰啲字」。

黃小姐續指，當局收購業權方案，對居民而言「肯定係蝕」：「根本買唔返同類型嘅嘢。呎數又會細咗，位置又冇咁優越。」不過，她坦言「冇得揀」，唯有調節心態，只要沒有重大損失便已足夠，期望事情盡快有個了斷。

不過，黃小姐最後稱，眼見宏福苑居民情緒因大火受影響，希望寄語居民「放下」事情，將自身健康放在首位，再計劃下一步行動。

版權: 
禁止衍生