廖先生

【獨媒報導】宏福苑居民第二輪上樓執拾，被問到是否贊成政府買入業權的方案，大火前居住在宏盛閣居民廖先生稱不評論太多，但指「有得揀重建，梗係揀重建啦」。對於有居民表達原址重建的海報、大字報被移除，廖生稱「我唔明佢驚啲乜嘢囉」：「都係大家嘅聲音，即係大家唔同意願，你冇理由抹煞咗人把聲。你話有啲人覺得唔理想、有心理陰影，大家有唔同想法，冇理由收咗人把聲，佢痴係度，都係發表自己嘅言論，冇理由搣咗人哋。」

稱執拾時間不足 6小時執拾逾40年物品

廖先生居住在宏盛閣5樓，已在宏福苑居住30多年，其單位在大火後完好無缺，沒有被焚燒及熏黑。他已視今日上樓會為最後一次，因為不肯定會否有第三輪上樓，將會盡量執拾及懷緬一番。

不過，廖先生認為執拾時間不足：「始終阿爸、阿媽第一手業主，住咗四十多年，咁你冇可能6個鐘執得晒成屋嘅嘢⋯⋯入面有好多回憶嘅嘢喺度，可能實用嘅嘢，都要攞，6個鐘其實趕唔切、執唔晒。」他已跟社工申請第三次上樓，但未知會否獲批。

最重要釐清責任 賠償與否由獨立委員會決定

大火發生至今半年，廖先生獲安排入住過渡性房屋，他表示「一定住得唔舒服」，但認為只能要習慣：「冇辦法，因為你冇可能發生大火後，要求佢比間400幾呎你，回復返你依家生活質素，政府唔會俾，市民大眾觀感都唔好，我相信觀感唔好啲人都會反對，但住住先。」

然而，廖先生認為，至今最重要仍是先釐清大火責任，之後才是居民住屋問題，至於是否有賠償，由作賠償，他認為要由獨立委員會決定，「但你而家要還返個真相俾居民先」。廖先生早前亦有到宏福苑聽證會旁聽，對相關單位不敢恭維：「大家都係踢緊波囉，個個波都踢落踢去，好似大家都唔關自己事，咁睇嚟大家都唔想孭返個責任。」


施先生

有居民首次上樓 「希望有機會再返嚟」

居住在宏盛閣中層的施先生，今日是其首次上樓，因為首輪的時候剛好不在香港，其單位在大火中幸福地未有受災，指上樓後感覺「不算有太多情緒 」。他上樓執回已過世爺爺、嫲嫲的遺照，及一張接近50年歷史的椅子等。

施先生希望，今次不是最後一次回家，「希望有機會再返嚟」。儘管在大火前，施先生已不是長住在宏福苑，這𥚃卻是其從小長大的地方，搬走後亦都經常回來，「係一個充滿回憶嘅地方」。

談到長遠居住安排，施先生透露家人傾向對政府出售業權，惟仍有猶豫，擔心賣樓之後的生活：「唔容易去做決定，但大家都明白，冇乜選擇，係我哋嘅環境入面。」他形容賣樓的選擇會是無可奈何，亦是理性中的唯一選擇。

出售業權屬無可奈何 望重返大埔區內居住

對於有宏盛閣居民透露，家人傾向接受政府收購業權。施先生就形容是無可奈何，是理性中的唯一選擇：「大家都明白，冇乜選擇，係我哋嘅環境入面。」

他坦言，最希望重返大埔區內居住，形容大埔是有溫情的地方，要搬走實在感到很不舒服和難過，對所有大埔人而言，宏福苑是大家放工、放學回家，回到區內首個見到的建築物，很具標誌性：「所以如果可以，有返相同回憶畀我哋就好喇。」

長者適應不易 惟收購金額未能區內購買類似單位

施先生認為，家中長者要面對較大的環境轉變，適應上不容易，奈何收購金額不足以在同區購買類似單位。他指出，政府如果有更多選擇會更好，包括原址重建、提供相近環境的選項：「始終屋企老人家80幾、90歲，你要佢一個好大的環境轉變，其實對佢哋嚟講真係好困難。好多適應都唔容易，搵地方都唔容易。」

至於有上了年紀的居民表示，已遞交接受收購建議信件選擇「樓換樓」，施先生認為政府的租金補助只有兩年，是希望「個個都賣」：「政府差唔多決定都係⋯⋯佢冇夾硬監你話賣咗間居屋，（但）個政府程序多數都係希望你賣間居屋。」

版權: 
禁止衍生