【宏福苑五級火】有居民對原址重建死心 嘆政府「差唔多都定咗案」
【獨媒報導】宏福苑發生五級火至今半年，受災居民將要決定是否向政府出售業權。有居民仍盡最後努力發聲，希望爭取原址重建，有居民則已死心。居住在宏盛閣的何先生慨嘆「始終都要買畀政府」、「差唔多都定咗案」。對於原址重建，何先生斬釘截鐵表示：「唔使講啦，嘥氣啦。」他預期，原址重建需要等候至少7至8年，並反問記者：「你等唔等到？好似我哋依啲年紀？」
居住在宏盛閣低層的何生、何太，他們的單位在大火中沒有燒毀，今次上樓最希望取回舊照片等物品。何生指「都執唔到好多」，不少東西要放棄未能帶走，嘆：「個個家庭都係咁樣㗎啦，冇人執得晒」，「我又唔想擺倉，依家住嗰度又未必夠位。」
何生、何太已在宏福苑居住了40多年，大火後獲安置到洪水橋過渡性房屋暫住，二人指地方「遠咗少少」。何先生慨嘆多年前搬入大埔居住，「都係好山旮旯㗎喇，即係慢慢習慣」，又指：「有（選擇）梗係想要求多多，冇你想要求都冇。重頭開始囉，有咩辦法，大家都唔想。」
望入住啟德啟陽苑 再上樓與否隨遇而安
在大火後，居民如前路茫茫，既失去居所，亦未知日後居住的地區。何先生反問記者：「你話有冇辦法？畀你後生都冇辦法，咁（樣）燒咗都冇計。」
對於政府的長遠安置方案，何先生表示已遞交接受收購業權的信件，現時希望以「樓換樓」方式揀選入住位於啟德的啟陽苑。不過，他亦沒有抱太大希望，「依家都唔知排先定排後」：「排後比較吃香嘅地方抽唔到，到時先再算。」被問到是否希望再上樓執拾，他就回應稱：「隨遇而安啦，冇乜所謂，再執都冇地方擺。」
嘆「始終都要買畀政府」 或未能等到原址重建
近日有不少居民透過傳媒訪問，或在單位內張貼標語表達希望原址重建的訴求。何先生則慨嘆「始終都要買畀政府」、「差唔多都定咗案」。對於原址重建，何先生斬釘截鐵表示：「唔使講啦，嘥氣啦。」他預期，原址重建需要等候至少7至8年，並再次反問記者：「你等唔等到？好似我哋依啲年紀？」
此外，何先生指政府提供的租金補助為期兩年，認為措施是變相希望業主出售單位：「政府差唔多決定都係⋯⋯佢冇夾硬監你話賣咗間居屋，（但）嗰政府程序多數都係希望你賣間居屋，（就）唔使搞咁複雜。你一日唔賣畀佢，佢又複雜啲，你個人財政環境又唔好。」