【獨媒報導】宏福苑五級火發生至今逾半年，宏道閣、宏盛閣居民今日繼續第二輪上樓執拾。隨著「特設銷售計劃」首批截止日期迫近，宏盛閣居民關小姐指「即使被逼出售業權」，亦希望能清空單位，不留任何遺憾：「不斷喺度催交業權嘅時候，咁叫做冇遺憾囉，真係一間吉屋咁樣俾返佢囉。」然而，她接受訪問時顯得無奈：「佢鍾意點收就點收啦，因為我哋都任人魚肉㗎啦，依家基本上都係啦。」縱使「任人魚肉」，關小姐堅持今次上樓只是跟單位暫別而非告別：「暫別啦，唔好講告別啦。」

關小姐昨日與父親、丈夫、兒子、兩名姑姐上樓，惟姑姐在尋找心愛物品時，因血壓飆升不支暈倒，須即時送院治理，未能如願在單位拍下全家福。事隔一日，關小姐的姑姐已無大礙，兩人獲准今日再度上樓。不過事發突然，當局今日未能安排他們一家六口一同上樓，關小姐哽咽表示，遺憾無法在單位拍下全家福，只能依靠修圖重現合照：「唯有喺小學等嘅時候，P翻上去喺個屋企度啦。」

居民：暫別啦，唔好講告別啦

關小姐指由於昨日天氣炎熱，姑姐在執拾時過於趕急，因而身體不適暈倒。她不諱言今次或是最後一次上樓，將在單位內檢查是否有遺漏的物品。不過，關小姐仍希望有再度上樓的機會，確保能完全執拾好物品，「直至都執晒為止咁，大家安心。」

隨著「特設銷售計劃」首批截止日期迫近，關小姐指「即使被逼出售業權」，亦希望能清空單位，不留任何遺憾：「佢又不斷喺度吹交業權、交業權嘅時候，咁叫做冇遺憾囉，真係一間吉屋咁樣俾返佢囉。」她接受訪問時顯得無奈：「佢鍾意點收就點收啦，因為我哋都任人魚肉㗎啦，依家基本上都係啦。」縱使「任人魚肉」，關小姐堅持今次上樓只是跟單位暫別而非告別：「暫別啦，唔好講告別啦。」

冀當局網開一面 尊重居民原址重建意願

連日來不少居民在上樓時仍盡最後努力發聲，希望能爭取原址重建。關小姐則指，在宏福苑八幢大樓中，只有兩幢屬嚴重燒毀，宏盛閣更只有數個單位被焚燒，希望當局能網開一面，尊重居民原址重建的意願：「我諗無論後生，至到70歲或者 80歲、90歲，都希望係重建，因為始終呢個真係福地嚟，係一個開心嘅地方。」

對於居民上樓期間，在單位內張貼標語表達訴求遭撕去。關小姐再次強調，單位是私人地方，不滿當局要求居民撕下標語字句，認為感到不被尊重：「因為大家都識得尊重大家，所以點解我哋識得尊重自己嘅時候，人哋唔識得尊重我哋呢？其實呢一樣嘢係真係好失禮嘅一件事啦，我希望呢段說話唔會俾人捉走啦。」

原計劃揀選朗天苑惟遭剔除 居民嘆現時「唔知點」

另一宏盛閣居民黎小姐，她指在首輪上樓已收拾得七七八八，但發現單位情況「亂七八糟」，更有不少垃圾。她期望，今次上樓可收拾金鏈及人民幣等物品。

黎小姐的母親目前暫住房協安置屋邨出租項目、位於元朗的樂翹樓，她原計劃選擇同位於元朗的朗天苑作為長遠安置方案，但該選項突然被當局剔除。隨着6月30日將至，黎小姐坦言現時「唔知點」，指當局未有提供長遠安置方案的詳細資料，包括價格及單位面積等，要在資訊不足的情況下重新決定去向。

有居民對政府收購業權的安排有微言，黎小姐就坦言「冇辦法」：「全部都係被迫㗎喇，咁就處之泰然啦。冇計㗎啦，你冇可能原址重建㗎喇，燒到咁樣有幾座，咁你唔通淨返一座喺度住咩。」

版權: 
禁止衍生