【獨媒報導】宏道閣、宏盛閣居民今日上樓執拾，對於政府提出收購業權，宏道閣居民、七旬的黃先生稱「唔洗講㗎啦」：「兩個字，失望！」他形容政府「一隻手壓落嚟」：「你一定要賣個業權俾佢，你唔賣唔得㗎喎，佢係政府你唔係呀嘛，我哋5,000年文化就係官字兩個口呀嘛，呢個5,000年文化嚟㗎嘛，我哋永遠都係講呢個字㗎嘛。佢壓落嚟咪由得佢壓囉，唔係點呀？壓到大家都無氣唞嘅時候咪反囉，哈哈！官迫民反四個字，中國發明㗎嘛，唔係外國發明㗎嘛！」

在大火後，黃先生一家三口獲安排入住過渡性房屋，自言無力租住私樓。黃先生今日上樓執拾，指單位未有受災，他希望將洗衣機帶走，記者指大廈沒有電梯，他就表示：「係囉，要中六合彩囉，如果有得執嘅話。」被問到上樓的心情，黃先生稱「有咩心情大家都知」：「唔洗講啦，廢事講啦，講嚟都無用，都燒咗啦。」

對於政府提出收購業權，黃先生亦稱「唔洗講㗎啦」：「兩個字，失望！」他形容政府「一隻手壓落嚟」：「你一定要賣個業權俾佢，你唔賣唔得㗎喎，佢係政府你唔係呀嘛，我哋5,000年文化就係官字兩個口呀嘛，呢個5,000年文化嚟㗎嘛，我哋永遠都係講呢個字㗎嘛。佢壓落嚟咪由得佢壓囉，唔係點呀？壓到大家都無氣唞嘅時候咪反囉，哈哈！官迫民反四個字，中國發明㗎嘛，唔係外國發明㗎嘛！」

被問爭取原址重建 居民：唔諗啦

至於是否希望原址重建，黃先生表示「唔諗啦」：「政府要攞返呢塊地，超級豪宅嚟㗎呢度，360度環海，大家都知啦，係咪先？點解會俾返你？唔會㗎啦，政府收咗㗎啦！」

他估計當局在3至5年後將出售宏福苑原址地皮：「賣返百零億幾好，啱唔啱先」，挽下手佢收埋廣福邨𠻹啊，超級豪宅嚟㗎嘛，起嘅時候無諗過係豪宅，幾廿年之後佢後悔啦嘛，壓落嚟你賣晒佢！」

指政府收購業權的呎價中肯 自言已無力供樓

有記者問居民如何發洩不滿，黃先生稱「無得發洩啦」：「唔通去打佢咩？傻㗎！無得發洩㗎啦！唔通跳樓？千幾戶一齊去跳樓呀？無可能㗎嘛！呢個中國人文化嚟㗎嘛，壓咗5,000年都係咁壓。」

不過，黃先生認為政府收購業權的呎價中肯，「你話佢高又唔係高，低又唔係低」。有居民希望當局協助舉行業主大會，黃先生認為已是「後生的事」，自言長者已無力供樓，「總之有一日過一日啦」。

記者最後問及是否希望了解起火原因，黃先生稱「唔想知呢啲」：「我經歷太多呢啲，我咁嘅年紀，經歷同見過幾多屋邨同山頭火災，我都見過晒。有咩好知啫，知嚟做咩啫？知得咁清楚做咩呀？唔好㗎！人傻傻地，糊糊塗塗一世咪幾好！」

版權: 
禁止衍生