【獨媒報導】居住宏盛閣中層的冼先生今日上樓。他表明，追究對他而言是次要，「我淨係想要返個屋企」。他說自己今年42歲，在宏福苑住了42年，「某種意義上，我同宏福苑嘅關係就係，我入伙，然後我阿媽生咗我出嚟，呢度絕對係我嘅根。」

「我哋有咩下場，我宜家都未知，我嘅家喺封鎖線入面。」「如果政府真係情行先，點解要拆走我屋企、收走我屋企？」冼先生認為 ，很多街坊都不明白政府是否真的「情行先」，抑或他們已被政府視為負累：「如果係，你不如直接同我講，『你哋係一班負累，你哋係一班政府嘅負資產，麻煩你哋躝屍趷路。』你直接啲講，我哋反而容易啲接受，而唔係不停搵藉口，講到好似好大義凜然，講到你哋間屋燒咗就唔值錢，我哋俾個賠償你賣樓，唔賣樓就自己諗掂佢，我哋咩都唔知㗎，我哋只會幫你賣樓。」

他又感嘆，那些「所謂覺得應該要起紀念公園的人」，是否要抹去火災這段歷史：「2025年11月26號，Nothing Happened Here，這裡甚麼事都沒有發生，係咪大家想見到嘅嘢？」他指如果是的話，「咁我只可以講，今日宏福苑，聽日唔知邊度。」

冼先生今日主要想拿走第一次上樓時未能帶走的收藏品。被問到上樓兩次是否足夠，他說：「不如咁講，佢俾返我哋自由上落好過啦，大型物件已經攞唔走。」