（獨媒報導）政府今年10月起會推出「公務員評核優化計劃」第一期，引入常態分佈方式評核公務員工作，即俗稱的「拉Curve」，當中分為6個評級，其中表現最差的5%將不獲增薪點。警隊出身、選委界立法會議員陳祖光表示，「拉Curve」對警隊及紀律部隊有困難，因為他們一般以隊制形式工作，較少個別工作：「齊上齊落嘅時候，點樣搵5%呢？呢個我覺得係有困難囉。」

公務員薪酬趨勢調查初步結果昨日出爐，在扣除遞增薪額後，今年高、中、低層公務員「薪酬趨勢淨指標」分別是4.12%、2.64%和1.17%。當局局亦會推出優化「公務員評核優化計劃」第一期，引入常態分佈方式評核公務員工作，即俗稱的「拉Curve」，當中分為6個評級，其中表現最差的5%將不獲增薪點。

曾任香港警察隊員佐級協會主席的陳祖光今早在商台節目表示，「拉Curve」評核對紀律部隊有困難，因為一般都以隊制形式工作。對於紀律部隊在升遷的時候，人員亦要個別參加面試，陳祖光就認為有所不同，「唔需要你擺5%落最底」，指據其了解警員評級一般為A、B及C級：「如果攞C已經好差，雖然C都叫合格，我哋做上級嘅角度嚟睇，佢哋已經唔合格，所以做警員大部份都好努力。你話夾硬要喺一班好努力嘅人裡面抽5%出嚟俾個D、E甚至F，我覺得真係有啲困難。」


陳祖光（資料圖片）

被問到如何在警隊尋找最差的5%人，陳祖光稱按公務員事務局的說法，「講緊D、E、F 喎」：「唔合格嗰三個Grade喎，唔合格嗰啲，其實管理人員都有責任啦。」他指管理人員領導下屬工作一整年：「如果佢唔合格，你一早都睇到佢唔合格啦，仲要教導吓佢點做，引導吓佢點做，然後俾個標準佢。一早已經會咁㗎，去到年尾評核嘅時候，俾得到D，都證明呢個人好差好差好差。」

此外，陳祖光稱現時獲得D及E級人士會被密切留意、特別監管，大多未必自動自覺工作，要由其他具經驗的同事帶領工作。

除此之外，陳祖光指新制度或對努力工作、經驗較淺及未適應部門工作的人員被犧牲，「呢個情況我唔知會唔會發生」：「咁大個部門，你第一年入職，梗係唔好㗎，一定有啲人嚟適應你嗰個工作環境，表現略差，但係佢心態唔一定㗎嘛，好努力做嘢㗎嘛！」他認為，或可以考慮分開評核及「拉Curve」。