【獨媒報導】中國香港足球總會舉辦週年晚宴暨頒獎典禮，香港足球小姐的獎項掀起爭議。效力仁足社、今屆替球隊奪得雙料冠軍的馬澤純大熱倒灶，由雙料亞軍傑志的荷蘭中堅Danielle Vos 勝出。仁足社營運總裁山度士對於結果表明「唔開心」，指「傑志兩場波都輸晒畀我哋」：「你睇到匡蕎嘅表現，傑志完全無得打。其實我都唔開心㗎，諗住阿純攞㗎。」

在8名候選人中，只有馬澤純、黃子盈及黃思惠出席頒獎典禮。足總會長貝鈞奇負責頒發獎項，惟Danielle Vos 未有出席頒獎典禮。她已前往澳洲渡假，提前拍片感謝球隊及隊友。在讀出結果後，多名在場人士表示「吓」。仁足社主席陳祖龍在獲悉結果後，便大喊「阿純飲杯」，並與馬澤純相擁一番，又高呼：「無可能㗎嘛！」


梁匡蕎

仁足社今季贏得雙料冠軍，包括賽馬會女子甲組足球聯賽及女子足總盃冠軍，球隊來季代表香港出戰女子亞冠外圍賽。此外，球隊今季有現年19歲的梁匡蕎表現神勇。該名女將在聯賽射入31球，追平2014/15年球季張煒琪單季最高入球數字紀錄，成為神射手。

山度士指球隊今季表現有目共睹 質疑「點解會錄定晒」

在今年的候選名單中，仁足社提名隊長馬澤純參選，這亦是其連續三年獲提名。現年30歲的馬澤純，是港足女子代表隊隊長，在頒獎典禮開始前，馬澤純攜同高踭鞋到場更換，仁足社亦安排攝影師拍攝，被視為大熱人選。


山度士（左）

最終獎項落在Danielle Vos，山度士在頒發結果後接受訪問時稱，球隊今季表現有目共睹，「傑志兩場波都輸晒畀我哋」：「你睇到匡蕎嘅表現，傑志完全無得打。其實我都唔開心㗎，諗住阿純攞㗎。」

山度士表示只能接受結果，陳祖龍在旁稱「我哋慶祝雙料冠軍」：「唔洗安慰阿純㗎，我哋知道邊個叻㗎嘛。」山度士最後稱馬澤純是港隊隊長，「唔係話頒畀外援唔好」：「但點解會錄定晒？已經知道咗？點解會錄咗出嚟，一早知？」


陳祖龍

不提名梁匡蕎？ 主席稱由教練決定提名人選

陳祖龍更喚記者應訪問傑志球迷，「我哋慶祝雙料冠軍同神射手，我哋心入面知道邊個係香港足球小姐，我哋係唔需要嗰啲獎，點解你哋嚟晒呢度，唔訪問傑志同足總嘅？」

被問到為何不提名梁匡蕎參選，陳祖龍稱由教練決定提名人選，球隊管理層未有參與，「我哋係唔會參與教練決定」。


馬澤純

馬澤純：不論結果如何亦會繼續做好自己

被問到大熱倒灶，馬澤純則稱事前沒有特別大信心，但指球隊今季表現不俗，自己帶領球隊的角色亦獲得認同。她又大方恭喜Danielle Vos 獲獎，指二人球場上同為中堅，在對方身上「有啲嘢學到」，不論結果如何亦會繼續做好自己。

至於會否感到唔開心，馬澤純稱「無話唔開心」：「都係一個名，無話攞咗就會獲後特別多嘅嘢，我都會keep住做返好自己嘅角色。」她又分享稱，仁足社一直希望球員除了踢波，亦可以貢獻社會，自己會繼續帶領球隊進步，並感謝球隊栽培。

此外，球證譚炳煥贏得最佳一等裁判獎，黃炳聰、盧嘉輝則獲得最佳一等助理裁判。

版權: 
禁止衍生