張宇人稱卸任後仍忙碌 抗拒聽議員時事評論致難評「新丁」表現
左起：張宇人、梁進
【獨媒報導】自由黨黨魁張宇人去年不競逐連任立法會議員，將飲食界議席交棒梁進。業界今年續推出慶回歸優惠，張宇人以香港飲食業聯合總會會長身份出席記者會。《獨媒》問張宇人卸任議員後的生活狀況，他稱「好忙碌」，有數間公司需親自打理。被問到對現屆「新丁」議員的評價，張宇人「賣花讚花香」，大讚梁進表現「幾好」，但指難以評價其他「新丁」：「我真係冇留意，你問我有一樣嘢我抗拒，就係我朝頭早唔會聽電台嘅節目，問啲議員點樣睇任何嘢。我唔會聽嘅，所以我亦都少睇電視講立法會嗰啲嘢。」
稱需打理旗下數間公司 辭任校董最「慳時間」
飲食界今年繼續推出七一慶回歸優惠，本身仍是行政會議成員的張宇人，他以香港飲食業聯合總會會長身份出席記者會。《獨媒》在會後向張宇人了解卸任議員後的生活狀況，他稱「好忙碌囉，乜嘢都做」，指卸任議員後減少自然議會工作，但仍要打理旗下數間公司。
張宇人表示，其中一間成立最長時間的公司已近20年：「以前就我冇理嘅，依家因為個個覺得我好似好得閒咁，包括我啲股東同埋啲同事，平時同你捱啫，依家你有啲時間，你應該要齊齊捱，咁其實我真正少咗嘅嘢，就係立法會開會時間。」
此外，張宇人指自己多年來都會善用周三、周四的工作時間會見業界，所以卸任後並非多了很多時間。他向《獨媒》指，真正「慳時間」反而是退任做了40多年的中學校董、中大校董，及辭去電台節目《金漆招牌》主持的工作。他又分享稱，今日身穿的西裝「唔係淨係嚟呢度」，指早上已參與數個會議，及後「又有會要開」。
稱抗拒聽議員「時事評論」 對自由黨兩新丁有信心
談到今屆立法會「新丁」表現，張宇人「賣花讚花香」，對自由黨兩名新任議員梁進及陳曉峰，均非常有信心，指每周的黨團會議都會與二人見面，並了解的工作進度：「如果我哋兩個新丁係其他新丁量尺度呢，咁我覺得其他啲新丁都應該、絕對比我哋啲年紀老邁嘅可能係好好多。」
張宇人又指向梁進笑稱「呢個幾好呀」：「我啲黨友都私底下同我講，佢上手上得好快。」不過，他坦言很難去評價其他新丁，「我真係冇留意」：「你問我有一樣嘢我抗拒，就係我朝頭早唔會聽電台嘅節目，問啲議員點樣睇任何嘢，我唔會聽嘅，所以我都亦都少睇電視講立法會嗰啲嘢，以前我都唔會睇，依家我更加唔會睇。」