逾3,000食肆推慶回歸優惠 張宇人籲「留港留肚食飯消費」
【獨媒報導】下周三是七一回歸廿九周年，飲食業界繼續推出餐飲優惠，今年目前共有3,486間食肆及商戶參與。行政會議成員、香港飲食業聯合總會會長張宇人表示：「我喺街度行呢，香港巿民佢哋過去呢兩、三年同我講，香港咁抵食，我哋真係唔使北上，香港仲抵食。」他表示，部分優惠在周六已開始，呼籲市民勿北上，「留港留肚食飯消費」：「好多嘢食，我諗你1號食六餐，都唔使洗好多錢。」
左起：梁進、張宇人
飲食業界今午舉行記者會，除了張宇人，自由黨飲食界立法會議員梁進、香港酒店業主聯會執行總幹事徐英偉，及稻苗飲食專業學會主席江志恒等都有出席。梁進表示，今次活動除了慶回歸，亦希望市民支持本地食肆及生意，來港的旅客亦知悉該優惠：「甚至小紅書喺內地嘅媒體都會話，呢個城市咁犀利嘅，喺七一回歸嘅時候有咁多優惠，已經變咗香港旅遊同城市嘅名片。」
張宇人重提李家超喚諗「有咩好嘢」 梁進望政府恩恤業界
已退休未有競逐連任議員的張宇人，他在記者會上作開場發言，重提李家超2022年上任行政長官前，喚「其諗諗有無好嘢慶祝25周年回歸」，與業界商討後決定推出七一優惠活動。他又笑言，「自己今日做梁進以前做嘅嘢」，即負責介紹工作。
此外，梁進稱業界今年繼續支持慶回歸及政府的工作：「同一時間都希望政府睇到我哋業界咁幫手，喺一定程度恩恤吓我哋。」
楊振年
香港餐飲聯業協會主席楊振年稱，今次優惠除了慶祝七一，由於餐飲業界在假期的生意不太穩定，希望做到與民同樂之餘，亦可以增加人流。本身是富臨集團行政總裁兼現代管理（飲食）專業協會主席楊浩宏，他指過去數年的七一優惠令會員生意上升，今年亦有多間中式餐飲食肆踴躍參加。
徐英偉
指旅客可帶動餐飲業 徐英偉：由早餐食到去宵夜
徐英偉就表示，旅客來港亦能帶動餐飲業界生意，期望優惠除了令本地市民「食多啲嘢」：「旅客嚟到，我哋都成日同佢講，食五、六餐都得㗎。由早餐食到去宵夜，去到凌晨都繼續食，睇波咁樣。」
被問到今年參與的食肆及商戶數目只與去年相若，張宇人稱「留返10月1號俾你睇吓多幾多」，強調沒有刻意要增加參與的食肆及商戶數目，背後亦涉及不同理由。