【七一】維園舉辦回歸盃足球賽 羅家英：回歸祖國懷抱一年比一年好

【獨媒報導】昨日（7月1日）是回歸29周年，香港各界慶祝回歸委員會一連兩日在維園舉行「回歸盃足球賽」，傍晚6時上演明星足球隊對香港紀律部隊足球代表隊友誼賽，最終紀律部隊以3:1勝出。現年79歲的羅家英落場參戰，賽後他向《獨媒》表示，今年香港回歸第29周年，「出年30年就大搞活動㗎啦，所以係呢29年裏面，香港回歸祖國嘅懷抱係好開心，正所謂一年比一年好，希望會更加繁榮」，評價香港目前有90分，希望人口、生意及地產方面會更加好。

羅家英盼生意、地產等有改善

「回歸盃足球賽」首日舉行公開組賽事，下午4時15分率先進行八強及決賽，至傍晚6時上演明星足球隊對香港紀律部隊足球代表隊友誼賽。明星隊陣容「鼎盛」，約20人輪流入替落場比賽，包括前TVB藝員關禮傑、新城知訊台藝人經理人及項目總監范振鋒、《中年好聲音》歌手金凱及劉洋，另有前港隊球員劉志強、賴啟卓及李圳業，而原本是隊長黃日華未有落場，僅在場邊指揮。

賽事至20分鐘，明星隊大幅度換人，羅家英入替並戴上隊長臂章。25分鐘，由穿着懲教署球衣的紀律部隊球員率先入球，惟不足1分鐘，范振鋒接應短傳後，右腳竇起皮球再頭槌入網，追成1:1。不過，最後10分鐘紀律部隊連入兩球，終以3:1勝明星隊。

在頒獎典禮後，羅家英向《獨媒》表示，整場比賽感覺很好，「知道佢哋年輕好有力，咁我哋盡量打，佢哋又錫住我哋，所以我哋打得好開心」。對於今日是香港回歸29周年，他稱「我哋回歸咗好多年，今年係第29年，出年30年就大搞活動㗎啦，所以係呢29年裏面，香港回歸祖國嘅懷抱係好開心，正所謂一年比一年好，希望會更加繁榮。」

提到香港已邁入由治及興新階段，會否評價香港為100分？羅家英笑稱「咁又未到喎，90分到啦」，再問到缺失的10分在於哪方面，他則稱「咁我又唔係好知，目前嚟講梗係人口、生意、地產種種嘢，希望更加好。」

蘇長荣稱卸任議員後感覺自然　讚「新丁」表現好

香港各界慶典委員會執委會常務副主席蘇長荣、立法會議員陳學鋒、灣仔民政事務助理專員余泳樺等人亦有出席頒獎禮。前選委界立法會議員蘇長荣向《獨媒》分享，卸任議員生活後感覺「好自然」，仍要繼續工作及打理生意，「自己生意以前都忙㗎啦，而家亦都同樣係叫做服務社會，一直做啲公益嘅工作」，但坦言卸任後「冇乜話多唔多時間，都係咁樣安排」。

問到現屆立法會「新丁」表現如何？他則稱「都好好」，但指現時沒有與他們共事，未能詳盡評價他們表現，並向記者笑稱「我多啲留意佢哋再話俾你知」。