【獨媒報導】港超聯下月開咧，東區季招兵買馬簽入馬卡雷拿、盧卡斯、丹尼爾、雷仙奴及查理史葛。前曼聯青訓球員查理史葛今次崔護重來，他接受《獨媒》訪問時表示，今次返港因為家庭原因，感謝太太胡恩晴兩年來伴隨自己到處奔波，卻沒有任何怨言：「香港係我離開英國後，第一個俾機會我踢波嘅地方，所以返嚟嘅感覺真係好好。」他希望能在東區望享受足球，並保持身體健康，為球隊爭取好成績。

現年28歲的查理史葛來自英格蘭，他是曼聯青訓出身，2020/21年球季來港加盟港超聯球隊愉園，及後效力傑志三個球季，並與前體育記者胡恩晴結婚，其後輾轉到印尼、柬埔寨聯賽球隊落班。

查理史葛向《獨媒》表示，對返港踢波感到非常開心，因為可以重遇熟悉的面孔及環境，希望新球季能夠開局順利，「即刻進入狀態」：「總之可以返嚟見返所有朋友，特別係我喺呢度嘅太太，同埋佢嘅屋企人，可以同大家重聚真係好好。」

望享受足球保持身體健康 嘆職業球員難規劃未來

《獨媒》問到今季的期望，查理史葛坦言希望能享受足球，並保持身體健康：「唔好受傷啦，同埋過好生活。」至於整體目標，他就希望能令東區更上一層樓。

在離開香港前，查理史葛效力港超聯球隊長達四個球季，有球迷一度憧憬他入籍代表港隊。被問到今次留港多久，查理史葛就慨嘆，職業球員難以規劃未來：「你永遠唔會知道將會發生咩事，好似我之前喺呢度咁，我從來冇諗過會離開，只係突然發生咗一啲意料之外嘅事。」


資料圖片

感謝太太胡恩晴 隨自己到處奔波從沒怨言

不過，查理史葛希望今次能長時間留港發展，「可以同屋企人喺呢度定居落嚟。」他不諱言，今次返港因為太太胡恩晴：「佢嘅屋企人都喺晒度，佢已經離開咗佢哋同朋友兩年，呢段時間對佢嚟講好唔容易。」查理史葛坦言，從沒期望太太胡恩晴跟着自己到處奔波：「作為一個賢淑的妻子，佢從來沒有任何怨言。所以我覺得今次做呢個決定，搬返近屋企人係好合理。」

他續提到，即使已離開香港兩年，仍然視本港為家：「香港係我離開英國後，第一個俾機會我踢波嘅地方，所以返嚟嘅感覺真係好好。」他最後表示，家庭永遠排在足球之前：「安頓好家庭，自然會踢好足球，希望場外開心，然後喺球場上都能夠盡情享受。」

在本地球員方面，東區加入宏愷志、宋紘毅及柏爾馬高等本地年輕球員，及正式簽入李毅凱。李毅凱去季下半季由理文外借到東區，今季正式加盟，他向《獨媒》表示已熟悉球隊運作，部分新加盟球員包括盧卡斯，加上多名具質素球員，例如馬卡雷拿、雷仙奴及丹尼爾的加盟，希望能踢出東區精神，「比上年更加好」。

李毅凱盼球場上更成熟 感謝三名伯樂

現年31歲的李毅凱，他希望新一季有穩定表現，替東區取得好成績：「自己表現穩定啲，都想踢返港隊。自己依家32歲最當打，希望可以盡力幫到香港隊。」

在球迷眼中被視為「壞孩子」的李毅凱，他向《獨媒》表示，期望球場內外都做得更好，能夠更成熟和控制好情緒：「希望有另外一個李毅凱出現。」李毅凱指高志超曾任傑志青年隊教練，可說是帶其入行的人，朱志光則帶自己踢職業足球，吳偉超更帶其到內地聯賽效力，和三人合作踢得更舒服：「佢哋三個可以話係我嘅伯樂，佢哋喺度個人會變得更加成熟，個人再進步啲。我希望可以幫到佢哋手，佢哋睇住我，唔會令佢哋失望。」

坦言仍想外流 專注爭穩定表現替東區取好成績

談到離開理文，李毅凱表明沒有不捨，指「職業球員始終會轉嚟轉去」：「無話捨唔捨得，好多謝理文俾機會我發揮。」李毅凱又表示，希望能替東區贏得冠軍，晉身亞洲賽：「佢哋睇住我大，希望埋尾可以踢到另外一個自己嘅巔峰出嚟。」

至於會否希望再次外流，李毅凱坦言「都想嘅」，但現時會專注替東區比賽，以穩定表現替取得好成績，「有穩定表現就會俾人睇到」。

版權: 
禁止衍生