【獨媒報導】警方國安處早前搜查多間獨立書店，指涉嫌干犯「出於煽動意圖作出具煽動意圖的作為」罪。記者關注當局行動或會打擊書店經營，及影響本港自由、多元形象。保安局局長鄧炳強回應時強調，國安法並無針對任何類型店舖：「絕對唔會！國安法係一條法律，無論係人，你係公司，你係咩類型嘅公司，犯法嘅話呢，有證據我就拉你，夠證據我就告你，不能夠隨意就⋯⋯哦⋯⋯某一個職業、店舖，我就針對你。我唔係嘅！我係針對所有犯法嘅人同埋團體。」

鄧炳強今日撲滅罪行委員會會議後會見傳媒，商台記者指三間獨立書店，獵人書店、留下書舍及田園書屋在一個月內先後涉嫌觸犯國安法：「覺得一系列嘅行動，會唔會都打擊咗書店嘅經營，然後影響咗香港自由多元嘅形象？」

鄧炳強回應記者時先稱「你話一啲舖頭關閉咗」，並強調國安法並無針對任何類型店舖：「絕對唔會！國安法係一條法律，無論係人，你係公司，你係咩類型嘅公司，犯法嘅話呢，有證據我就拉你，夠證據我就告你，不能夠隨意就⋯哦某一個職業、店舖，我就針對你。我唔係嘅，我係針對所有犯法嘅人同埋團體。」


鄧炳強（YouTube截圖）

警方不起訴翁金驊 鄧炳強稱不評論個別案件

小西灣漢華中學籃球隊前教練、前籃球港隊代表成員翁金驊涉嫌當眾體罰學生，即捉著學生的手掌摑自己，警方昨日表示經深入調查後，未有足夠證據作出檢控。商台記者關注網上片段清楚顯示，「翁金驊捉住學生的手進行掌摑」、「點解警方會覺得證據不足而唔作出檢控呢」，及鄧炳強對體罰行為的看法。

鄧炳強回應時表示不評論個別案件，但指當局執法、檢控基準非常清楚：「任何案件我哋有證據就會拘捕，有足夠證據，律政署同意嘅話，我哋就會作出檢控，呢個係必然係咁做。」對於體罰，鄧炳強則稱對任何違法行為，「我係都要嚴厲執法」、「呢個絕對係法律不容許」。

岑子杰、胡志偉入境外國遭扣留 鄧炳強指可聯絡入境處

此外，已刑滿出獄的民主派初選47人案被告岑子杰、胡志偉，早前先後入境日本及英國時分別被扣留。商台記者問鄧炳強「對於外國政府做法有咩睇法」，及就國安法入獄已刑滿、已離開香港的前被告，會否有通報機制及監察。

鄧炳強就稱「呢啲人已經完成服刑情況」，與香港所有市民享有一樣的權利：「但當佢去到外國遇事嘅話，亦都可以好似普通市民一樣，聯絡我哋入境處，有一個港人在外協助小組（協助在外香港居民小組），可以聯絡我哋，我哋一定會提供適切協助。」