【獨媒記者東京直擊】以同志權益為題的舞台劇《我們最快樂》，去年被西九文化區管理局取消公演，今年8月由見山書店帶往日本，於東京世田谷區的 Home/Work Village 舉行讀劇演出及創作座談會，邀請編劇莊梅岩和演員黃秋生分享看法。今次演出以日文進行，有香港觀眾特意搭飛機到東京支持，雖然不太聽得懂，但可以看著手中的劇本，跟上故事的發展。

首場演出在上周日（16日）進行，來自香港的同志E先生（化名） ，雖然星期一就要上班，仍趁周末「快閃」飛到東京：「莊梅岩表達咗社會上唔同人嘅情況，而且搬上舞台演出，我覺得好難得。始終社會唔係好接受同志話題，就算近年曾經開放過，但係又開始陸續收窄咗好多。」

劇本提到同志面對的困難及歧視，E先生亦感同身受：「好多時候，社會好多人都會負面標籤我哋，所以任何有關呢個群體嘅作品，其實都係好困難。就算個作品唔係話要爭取啲咩，只係關於日常生活嘅創作，我都會盡量支持，因為真係好困難。」

港日觀眾齊欣賞 黃秋生讚演員「演得好」

《我們最快樂》舞台劇2022年首演，是香港藝術節50周年節目之一，原定去年底重演，惟西九文化區管理指收到投訴，稱舞台劇「宣揚對抗，詆毀香港」而取消演出。

事隔近一年後，日文版的《我們最快樂》讀劇演出在見山的Pop-up展覽「異國的暑假」上演，由在日港人導演 Indi Chan 把原作約兩小時的演出濃縮為一小時，三位日本演員江上真悟（飾演 Neil ）、中西良介（飾演 Phillp）、Kikuchi Kanki（飾演阿生）演繹翻譯後的日語文本，故事保留香港背景。原定只有一場演出，但因為門票迅速售罄，最終再加開一場。

觀眾席上，不少人穿著早前推出的《我們最快樂》紀念T-shirt，當中既有香港人，也有日本觀眾。


在讀劇演出期間，有觀眾打開中文或日文的劇本集，與演員的讀劇作對讀。

讀劇演出後，黃秋生回想起以前演藝學院有位外籍老師，要為廣東話劇本排戲。他當時疑惑，老師既然聽不懂演員的對白，又怎可能排演？但老師強調，如果演員真的演做得好，語言只是其中一種豐富的色彩帶動，而不會局限情感表達。黃秋生說，自己是第一次觀賞外語演出，感覺不錯：「我都好奇，究竟我可唔可以跟得到？因為演員嘅身體同聲音，我可以明白到呢？原來我做到喎，咁係演員演得好。」

香港觀眾祝福莊梅岩：「會發光的人，去到哪裡都會發光」

A小姐（化名） 是其中一位去年預購了門票的香港觀眾，其後當局公布演出取消，她感到可惜：「知道要取消之後，我仲記得我特登喺日曆留起嗰一日，好似好有儀式，當自己嗰日係要睇show，唔約人唔去邊度。」


A小姐說，就算不看劇本，只看莊梅岩平時在IG寫的文字，也會感受到她散發著愛。（圖為莊梅岩替A小姐的朋友在門票及劇本集上簽名。）

A小姐喜歡欣賞舞台劇，也欣賞過莊梅岩不少作品。她手中握住的《我們最快樂》中文劇本，亦早已讀完，做好功課而來。她以為今次演出可以一如既往，很容易就進入故事，怎料事與願違：「明明係一個香港作品，但要嚟到日本先可以睇，又要講一個我唔識嘅語言，我覺得成件事令我突然好似變咗做局外人嘅角色去睇...... 令我變咗好似唔係專注故事本身，而係整個環境，整個經驗。」

這樣的經驗是好是壞，A小姐不予置評。但她指出，在演後座談會期間，莊梅岩與黃秋生用廣東話分享，講笑的時候也有很多觀眾笑了，證明在場不少人懂得廣東話：「只要作品係好嘅話，就算喺唔同地方，都可以凝聚嗰股力量。」

她祝福莊梅岩：「會發光的人，去到哪裡都會發光。」

同志觀眾感謝作品：盡量支持，因為真係好困難

E先生是香港同志，早在2022年已經看過這套舞台劇，去年也有買門票支持重演，可惜未能在西九舞台欣賞。他認為西九當局解釋不清：「我覺得係可惜，對於我嚟講，佢哋無好明確畫一條線，話俾大家知應該怎樣做，只係一個好模糊嘅原因，就話我無辦法租場地俾你，你唔可以上。」

E先生星期一就要上班，但他仍趁周末假期飛來東京，為的就是表達對《我們最快樂》的支持：「莊梅岩表達咗社會上唔同人嘅情況，而且搬上舞台演出，我覺得好難得。始終社會唔係好接受同志話題，就算近年曾經開放過，但係又開始陸續收窄咗好多。我覺得莊梅岩可以為社會上唔同嘅人發聲，所以我有興趣嚟睇。」

劇本提到同志面對的困難及歧視，E先生亦感同身受：「好多時候，社會好多人都會負面標籤我哋，所以任何有關呢個群體嘅作品，其實都係好困難。就算個作品唔係話要爭取啲咩，只係關於日常生活嘅創作，我都會盡量支持，因為真係好困難。」

E先生又指，日本社會文化偏向保守，多年來缺乏同志社群的聲音，更莫說要爭取權益：「所以今次讀劇可以咁公開去講呢啲話題，其實都係一個好難得嘅機會，令日本當地觀眾去思考。」