【獨媒報導】已解散支聯會、李卓人及鄒幸彤被控「煽動顛覆國家政權」罪罪成。李卓人妻子鄧燕娥離開法院時，被大批媒體追訪。鄧燕娥向記者表示，李卓人精神尚算不俗、「有啲笑容」，宣讀結果當下「遠遠睇見都覺得佢平靜嘅」，笑言在散庭前「佢有俾個大心心我」。

對於今次判決結果，她坦言屬預計之內，但仍感到非常憤怒及失望，認為法官未有考慮辯方律師的陳詞，「我覺得佢無罪，所以喺咁嘅情況底下，佢會有罪，我係覺得好唔公平。」會與李卓人商量後，再決定是否上訴，僅盼刑期「唔好咁重」。有記者問到會否認為今日已經「一錘定音」，《憲法》壓過《基本法》？鄧燕娥稱「就咁聽係囉」。


鄧燕娥

鄒幸彤媽媽：希望環境健康啲、乜嘢顏色嘅花草都可以綻放

鄒幸彤媽媽由前支聯會常委劉家儀陪同下離開，一眾傳媒蜂擁追問。劉家儀摟着彤媽肩膀，代為婉拒受訪：「彤媽冇嘢講，多謝大家，好冇，多謝大家，好好保重。她多次籲記者先讓彤媽離開。最後彤媽向記者稱「希望環境健康啲，乜嘢顏色嘅花草都可以綻放，就係咁多，OK？謝謝大家。」


劉家儀、鄒幸彤媽媽

鄒幸彤媽媽由其他友人陪同離開後，劉家儀留下回應記者提問，她指案件審訊歷時一千多日，目前是「短暫句號」，對結果感到失望。她指支聯會一直以來追求民主，真誠悼念六四死難者，關懷天安門母親，望市民細看李卓人及鄒幸彤陳詞。劉家儀認為，當中不認罪的理據相當充足，兩人很大機會傾向繼續上訴，「為咗六四無罪，為咗悼念無罪，我哋依然會繼續行法庭嘅路，去將真相我哋所理解嘅，攤開喺陽光嘅視野下，讓公眾一齊睇清睇楚，論據係啲乜嘢，公道自在人心」。

雷玉蓮憂三人身體狀況

「女長毛」雷玉蓮散庭後向記者表示，「今日其實都預咗佢會咁樣」，對此感無奈，「我哋做唔到什麼東西，都冇辦法改變任何東西。」她哽咽說，自己曾經參加支聯會遊行，見證大家「整banner示威」 ，在30多年後在法庭卻被視為煽動， 「我諗冇人會諗過會有呢個結果。」


雷玉蓮

她擔心三人身體狀況，尤其已年過70歲、選擇認罪的何俊仁，「擔心何俊仁，佢比李卓人身體更加弱啲，年紀大、有返咁上下年紀。」「所以有啲選擇認罪，有啲選擇唔認罪，都係睇返佢個人自己嘅決定，冇話認罪就錯、唔認罪就啱。」


前立法會議員 何秀蘭


前立法會議員 劉慧卿