【獨媒報導】國際足協東盟盃挑戰組賽事下月在港舉行，足總總幹事張炎有表示，已要求國際足協將港隊所有賽事安排在啟德體育園主場館舉行，「呢個係我哋一路以嚟爭取嘅嘢」。《獨媒》問到東盟盃門票的公開發售日期，張炎有稱國際足協希望在月底公開發售，惟目前有待對方作最後通知。

張炎有今早出席標準流浪季前記者會，記者關注賽事的籌備進度，足總現正與國際足協不同部門，進行緊密聯繫溝通，形容一切如期進行中，預計國際足協不久將來會公布詳情。

或月底發售門票

被問到賽事的場地，包括港隊會否使用啟德體育園主場館，張炎有重申「會以啟德為主」：「編排時想擺晒港隊去啟德，當然要視乎抽籤啦。」至於非港隊賽事，他希望安排在其他符合國際標準的球場。

《獨媒》問到東盟盃門票的公開發售日期，張炎有稱國際足協希望在月底發售，惟目前有待對方作最後通知。

指挽留港會對港超聯發展有好處 今季七成賽事採VAR

《獨媒》又問到港會獲足總挽留，今季繼續出戰港超聯，張炎有指港會「係一隊commit嘅球隊」，而且準備充足，挽留對方對港超聯發展亦有好處。

此外，張炎有表示，今季七成港超聯賽事採用視像助理裁判系統（VAR)，強調足總十分希望做到100%，但指今季有11支球隊，將要一日三賽，對視像助理裁判系統壓力很大：「因為我哋接受唔到打朝頭早波，其實都係最多一日有兩場，今屆都係70%，當然我哋Target係全部。」