【支聯會案】法庭周五處理求情 前常委鄧岳君成功排旁聽首位

【獨媒報導】已解散的支聯會、前副主席鄒幸彤及前主席李卓人，上周被裁定「煽動顛覆國家」罪罪成，本周五（8月29日）西九龍裁判法院求情。

案件上周裁決前數日，有大批疑似「排隊黨」出現，佔據正庭旁聽席。

距離求情日子兩日，《獨媒》今日（8月26日）傍晚視察，未見「排隊黨」身影，支聯會前常委鄧岳君則成功排在首位。他於下午兩時到場，只帶備了輕裝，包括蚊怕水、兩支支裝水、紙巾、毛巾及中共前總書記胡耀邦人物傳記。對於成功排第一，他向記者笑稱為「錯誤嘅判斷」，本身抱「睇熱鬧」心態，到場後未見人排隊便「挺身」成為第一人，「可能調返轉，今次佢哋玩法就係我喺度呢佢哋就唔排。」鄧岳君自言身體狀態不佳，未知能否捱過兩日露宿。

他向記者分享其帶備的胡耀邦書籍，談及胡於1989年4月15日離世，引起後來劇變，哽咽道「如果佢係知道佢一走，跟住咁多年青人.......一啲悲劇啦，如果真係有靈嘅話，佢都會好難過。」鄧岳君又提到書中談及黨內民主等，指是當時社會對中共領導下民主化的希望，「當然就係事與願違」。

法官就案件的判詞指支聯會「敵視中共」，作為前常委的鄧岳君稱不同意，「我覺得有啲唔係咁公道，就算司徒華、何俊仁、李卓人等，我哋全部其實對於一啲好嘅，好似胡耀邦、趙紫陽不嬲都好高度推崇」，僅對共產黨某部分錯誤表示憤慨，認為「敵視中共」的說法屬以偏概全。對於法庭不處理六四事件，他認為「對於一個真正嘅因，佢哋完全係迴避、抽離咗」。

現場有數名警員巡邏，訪問期間有警員向記者查詢，惟未有要求出示記者證及身份證。警員及後勸喻記者轉移至對面馬路進行採訪。