【獨媒報導】已解散的支聯會、前副主席鄒幸彤及前主席李卓人，上周被裁定「煽動顛覆國家」罪罪成，今日在西九龍裁判法院求情。

支聯會前常委鄧岳君前兩天（8月26日）下午到場，排在首位。其後方則有大批昨日進場的疑似「排隊黨」佔據正庭旁聽席。今日到場的市民，只能坐在延伸庭。


鄧岳君成功「守住」頭位

到場旁聽的市民美英今早約七時半到達西九龍法院，她稱已料無法取得正庭籌號，本打算八時半後才到場，免被警察搜身，「既然攞唔到飛入唔到正庭，就費事俾佢搜身啊、查身份證啊。」不過最終仍提早到達，「早咗，是但啦，咪照俾佢哋搜囉，冇所謂。」

美英上星期進入法院前被搜身，部分物品被扣留，包括記協「逆風而行」鎖匙扣和兩塊寫有「搜乜X嘢呀」、「睇乜X嘢呀」的黑色布條，稱當時被警察指「有文采」。不過美英今次並沒有被要求交出物品，又指警察在搜查時對她說，「你睇我哋啲同事幾客氣，幾斯文幾有禮貌。」不過她昨日曾和友人到場，指當時警察語氣惡劣，「冇記者影住就好惡㗎啦，鬧到我隻狗咁！」


美英

對於罪成裁決，美英指支聯會舉行六四集會已三十多年，認為有罪「好荒謬」，又指鄒幸彤和李卓人已被還押數年，「佢都未判刑喎，已經坐幾年監嘅，合理咩 ？」

牙醫李盈姿今早約八時到場，稱「相信佢哋求情會好有意義，同埋再記錄喺歷史上面，一個荒謬嘅審訊囉。」前社民連成員曾健成（阿牛）稱，「佢哋喺入面五年啦，咁我哋喺出邊作為曾經參與支持者，我有責任出嚟喺旁聽席做一個支持。」


李盈姿


阿牛