【支聯會案】鄒幸彤母指女兒善良逼出勇敢、堅強 盼公眾細閱所寫文字
【獨媒報導】已解散的支聯會、前主席李卓人及前副主席鄒幸彤，上周被裁定「煽動顛覆國家」罪罪成，今日在西九龍裁判法院求情。鄒幸彤母親向記者稱，在女兒身上看到了勇敢和堅強，又指這些勇敢和堅強是被迫出來，希望公眾細閱女兒昨日在Patreon所寫的文字：「我諗到嘅就係，其實好多人同佢一樣，對抗不公不義呢，大家睇到嘅就係勇敢同堅強 ，但係呢啲勇敢同堅強，其實係被逼出來嘅，係被佢哋嘅善良逼出來㗎，呢啲勇敢。」
兩名被告家人都有到庭旁聽，鄒幸彤母親在散庭後由前支聯會常委劉家儀陪同下離開法庭。鄒幸彤母親向記者稱，女兒在還柙的情況下打官司，在其身上看到了勇敢和堅強，而這些勇敢和堅強是被迫出來，又希望公眾細閱女兒昨日在Patreon 所寫的文字。
指女兒艱幸地寫下文字 盼公眾細閱
鄒幸彤Patreon 昨日就案件判決和陳情發文，其母親指艱幸地寫下文字，「佢每一個字出來係極之困難㗎，我想講」希望大家可以細閱：「佢寫出嚟嘅嘢你哋直接睇啦，佢講得好清楚㗎啦，同相關嘅報導。」被問到會否擔心鄒幸彤的狀態，她就無奈慨嘆：「佢仲笑得出，佢就係咁㗎啦。」
鄒幸彤母親又向傳媒表示感謝，指傳媒報導能讓公眾了解審訊：「更加知道呢個審訊，究竟係乜嘢一回事。」
鄧燕娥
鄧燕娥望兩周內判刑 繼續保持希望
另一罪成被告李卓人，其妻子鄧燕娥離開法院時，亦被大批傳媒追訪。記者被警員指示到法院一街之隔的庫務大樓外巴士站旁，才可以進行訪問。
鄧燕娥表示「沒有甚麼好說」，認為只能繼續保持希望：「其實今日就冇咩嘢好講，繼續保持希望啦，繼續祈禱。」她希望被告能夠在兩星期內判刑：「冇咩特別嘅諗法，都係希望佢真係兩個星期內會判刑，唔好再拖。」
另外，鄧燕娥表示，感覺丈夫今日狀態「好平靜」、「精神」。有記者追問李卓人的刑期 ，鄧燕娥只稱「唔諗呀、唔諗」。對於鄒幸彤的陳詞屢次被打斷，她就表示感到無奈，「咁呢個法庭就係咁㗎啦」。