歐太

【獨媒報導】政府收購方案的死線於8月31日已過，宏福苑1,984戶中，政府指有99.1％簽署同意，餘下17戶未有簽署，歐太是其中一戶。她昨日（9月2日）出席業主大會後稱，相信出售業權只是很多居民逼不得已之下的選擇，「有幾多係出於自願，真係好想出售宏福苑嘅，個percentage係咪真係咁大？如果你滿足而家呢個數字嘅話，咁我會覺得有啲膚淺囉」，「問街坊，有幾多係甘心嘅？絕對唔會係呢個數字囉！」

歐太：居民永遠有條刺

歐太提到，事實上居民只有出售業權一個選擇。宏福苑獨立委員會尚未發表調查報告，當局亦沒有公布宏福苑七座大廈的損毁報告，歐太相信如果所有資料皆公平公開，居民亦能夠作出更情願的決定，「點解最尾8月31號先咁多居民衝閘交意向書呢？其實裏面就係大家嘅不甘、大家嘅不憤。」「我出售得唔甘心嘅話，就唔係你所講嘅情理法令到我哋安居樂業，我哋就算出售咗業權，其實我哋心底裏永遠都唔會放得下呢樣嘢，永遠都會有呢條刺囉。」

政府在今年2月提出收購方案，至8月31日死線半年內，稱已獲99.1%業主同意出售。歐太諷稱「原來政府只要有決心，我哋真係睇到呢個政府係有行動力㗎」，望政府能夠站在居民角度設想，更具同理心、體恤居民。

「我哋知道宏福呢件事，我哋必需要面對、我哋必需要前行，但前行嘅時候，可唔可以唔好不斷喺後面推我哋？不停用死線推我哋之餘，不停搵唔同嘅部門、唔同新聞，去令到我哋發現，我哋後面已經無路可行，原來我哋宜家企緊嘅空間，只係夠兩隻腳企，前後左右，我都會遇到危險呢？」

無標題

屋苑需續付保險費、宏志閣電梯費

宏福苑發生大火後，居民一直未能返回居所，只能在政府安排下「上樓」執拾數小時。歐太稱在業主大會上才首次得悉，業主仍要繼續支付宏福苑的保險費用，對此感到十分驚訝。她指政府已收購大部分業權，居民亦無法返回宏福苑，管理人「合安」卻仍要購買保險，只稱是按法例要求，「大家都返唔到去，咁你個保險係買嚟做乜呢？」「點解我哋仲要俾呢？呢啲我哋係冇人知。」

此外，「合安」在會上稱屋苑仍一直支付6月16日至9月15日期間、維持沒有被大火波及的宏志閣電梯運作的費用。歐太質疑居民未能如常返回宏志閣，引述居民在會上質疑「點解要維持住部𨋢？」、「你係俾咩人用？」，但「合安」卻沒有回應。

DSC08713

歐太認為，「合安」仍繼續迴避居民問題，「佢去講佢想講嘅嘢，我哋居民發問嘅時候，佢都係繼續喺度遊花園」，指會議成果不大，浪費居民時間，「兩次可以有幾大嘅成果呢？我真係覺得兩次嘅會都係嘥時間囉。」

她指一眾宏福苑業主仍出席業主大會，是因為不知道日後還有多少機會可參與，街坊因此十分珍惜。歐太感謝出席的街坊，「其實宏福嘅街坊，無論佢賣樓定未賣樓，我哋大家都仲係着緊宏福嘅嘢。」

至於何時可以再「上樓」，歐太稱居民十分關注，「合安」亦只把責任推卸給政府，「佢都係例牌嗰句，搵解說隊、搵『一戶一社工』，將個波射返俾政府」。她稱不少居民曾向「一戶一社工」反映，但亦不獲安排，不解為何早前有約10戶能再「上樓」，「係基於乜嘢原因去選擇嗰堆幸運兒上樓呢？」

無標題

居民：政府「情理法」只用「法」

宏盛閣居民何小姐指，政府指處理「情理法」兼備、「你情我願」，但卻逼宏福苑業主在8月31日前作出是否出售業權的決定。她稱當局甚至揚言要立法收購業權，屆時的價錢將不如現時收購價，反映政府並沒有理會居民的感受，也不合情合理，「政府話你情我願呢，其實而家呢樣嘢係睇唔到㗎，情理法呢佢係用咗個法字，就冇用情理嘅！」

她亦批評「合安」在會上「遊花園」、問非所答，也沒有提及任何後續，料「合安」不會再舉行業主大會。

無標題
何小姐