【支聯會案】鄒幸彤母親：女兒非稱職大狀而是出色被告 鄧燕娥：言論自由在港已成過去式

【獨媒報導】已解散的支聯會、前主席李卓人、前副主席何俊仁及鄒幸彤被控「煽動顛覆國家政權」罪，李卓人、鄒幸彤經審訊後被裁定罪成，今日分別被判入獄7年及7年3個月，李卓人妻子鄧燕娥、鄒幸彤母親都表明會提出上訴。鄧燕娥相信裁決令很多人感到震驚、憤怒，並指言論自由在香港已成過去式。鄒母指女兒在案件中為自己辯護，相信其已達成多年來想做的事情，「所以呢大家，佢唔係一個稱職嘅大狀，佢只係一個出色嘅被告！」

在散庭後，李卓人妻子鄧燕娥、鄒幸彤母親、前支聯會常委劉家儀及前荃灣區議員陳劍琴離開西九龍裁判法院後被記者追訪，警方要求他們到庫務大樓外進行訪問。

鄧燕娥在步出法院後接受記者訪問，她期間多次落淚，指自己作為李卓人妻子，在得知刑期後感到很傷心。她續說，李卓人因不同案件自2021年4月16日起被關押，至今已超過5年，難以想像仍有3年刑期，「判呢7年實在太重」。不過她指，知道李卓人「心安理得」，但仍感到無可奈何及「好嬲」、「好傷心」。

鄧燕娥

指李卓人心情平靜 已作最壞打算

鄧燕娥指李卓人心情平靜，判刑前亦已作最壞打算。她表示，個人仍認為法庭的判決和刑期不合理，會就定罪和判刑上訴：「法官完全冇考慮佢嘅證詞嘅，所以我覺得好唔公平，佢一定會上訴！」她指李卓人「身體狀況還可以」、「不過始終坐多日都係唔啱」，自己希望告訴他：「撐住！撐到底！」

對於今次裁決，鄧燕娥相信令很多人感到震驚和憤怒：「我哋知道有數以百萬計嘅市民係曾經入過維園，就算冇入過都支持入面嘅燭光，所以呢個判刑亦都係對於好多人嘅一個刑罰，好難接受。」

她表示，不覺得今日的香港仍有言論自由：「我覺得言論自由已經係過去式。喺今次呢個判決睇到，就算佢哋三個冇用到任何非法手段，但依然有咁重嘅刑罰呢。其實已經係對佢哋所講嘅嘢，只不過係發聲，作咗判決。」

鄒母指女兒是出色被告

鄒幸彤母親則向記者分享，本身是大律師的鄒幸彤曾經提及：「終有一日我要喺法庭上同佢哋好好辯一辯！」鄒幸彤後來因為多宗案件被補，鄒母稱相信沒有人能代表她，因為她不是需要「贏官司」。

鄒母又複述在一次探訪女兒期間說的話：「好爽呀！我終於可以除低件大狀袍，然後痛痛快快講真話，原來係咁爽㗎！」她指女兒在案件中為自己辯護，相信其已達成多年來想做的事情，「所以呢大家，佢唔係一個稱職嘅大狀，佢只係一個出色嘅被告！」

不過，鄒母諷刺地說，案件令六四事件在香港法庭上被記錄下來：「我唔知應唔應該多謝嗰啲拉佢上被告欄嘅人，真係要多得佢哋翻開六四嘅記憶，多謝佢哋幫手，係佢哋幫手呀，將六四嘅真相，近呢幾年嚟香港發生嘅事，幫手寫入香港法庭嘅記錄之中。」

感謝逆風同行 勉勵同路人不需難過

鄒母續表示，真正需要感謝的是仍有一些法律人員、事務律師、法律專家和學者，願意為無權無勢的人打官司，不計較輸贏和金錢，伸張正義，努力守住法律的底線，她衷心向他們致敬。鄒母又感謝和勉勵所有同行的人：「唔單止係留下來嘅人，仲有係世界各地嘅朋友。我知道大家仲喺到嘅，感謝你哋逆風同行呀！」

「今日嘅判決，你哋唔需要太過難過、唔好灰心，更加唔可以有任何嘅內疚，因為內疚係分化嘅毒藥，大家一定要好好生活！」

劉家儀稱刑期過重 感謝記者堅持報道

劉家儀則指，李卓人和鄒幸彤均會就定罪和刑期亦提出上訴，「坐一日都嫌多，無論判幾多，我哋都覺得係過重㗎啦。」她感謝記者堅持報道、天安門母親一直堅持真相，以及堅持良心的每一位朋友。

她表示相信靈魂是自由的：「相信香港人爭取自由嘅靈魂係唔會消失嘅，我亦都代表佢哋同大家講，大家繼續堅持到底，我哋會等待佢哋每一位畢業、平安回家，希望佢哋都能夠身體健康。」

在接受訪問後，劉家儀、鄒幸彤母親、鄧燕娥及陳劍琴舉起「六四」的手勢。