【獨媒報導】特首李家超今日（16日）發表任內最後一份《施政報告》和首份《五年規劃》，李家超早前形容兩者關係是「點睛畫龍」。選委界議員何君堯回應時，就形容兩份文件是燒味雙拼，「叉燒拼油雞，兩味都咁好味，可以話相得益彰」。他指雖然文件如同燒味飯，並非特別驚喜，但就有助「整頓思想向前邁進」。

指文件因「一脈相承」有重複

一眾立法會議員在公布《施政報告》後見記者回應，何君堯稱讚五年規劃內容「豐富精闢」，指和《施政報告》內容有重複部分，屬「一脈相承，實際上好難將佢分開」。他指五年規劃負責規劃，邏輯思路清晰，《施政報告》就是「行動篇」，「再細緻雕琢，點樣執行」。

何君堯又以「燒味雙拼」比喻兩份文件：「非常好味，實際上相當唔錯。但係燒味大家都食到⋯⋯都知道係乜嘢，你冇佢又好似唔好味，有佢又覺得唔係點特別。今次呢個報告，唔係俾咩驚喜，只不過將我哋把脈，應該行咩路，再覆述一次，大家整頓思想再向前邁進，就會更團結一致」。

不過，何君堯指留意到五年規劃裡的「主要指標」列表，「經濟、創新及建設發展」的首五個重要指標，2030年的目標數字皆留白。他其後自行解釋：「嗰幾個數字，現在（2025年）一定有，未來嗰五年係乜呢？因為逐年會演繹，並唔能夠一下子講得到。」

版權: 
禁止衍生