【獨媒報導】愛知名古屋亞運周六揭幕，香港男子足球代表隊昨晚以0：2不敵東道主日本，惟表現備受好評。面對強悍對手，港隊球迷「輸人唔輸陣」，已跟隨港隊到外地作客近20次的球迷崔先生（Carey），他是其中一員，在接受《獨媒》訪問時提到，首次作客正是16年前的廣州亞運會，他憶述當年的情況，港隊的散客球迷在花都運動場內各自坐：「之前根本就係你有你坐，我有我坐，大家睇完波咪走囉，拜拜。」在16年後的今日，Carey 從未想過能夠聚集一大班人共同打氣：「感覺氣氛一定會好啲，對球員嘅推動性會大啲，會聽到球迷打氣。」

《獨媒》記者日本直擊

港隊昨晚在豐田體育場硬撼日本，球迷組織「香港力量」賽前安排球迷遊行，一眾港隊球迷下午5時豐田市站東口集合，沿豐田大橋邊走邊為港隊吶喊打氣，惟天氣不似預期，一起行便滂沱大雨，但無阻球迷們熱血，紛紛走到便利店及商場購買雨衣，穿好就出發。

面對強悍對手，港隊球迷「輸人唔輸陣」，賽前冒着大雨沿豐田大橋，邊唱「Hong Kong all the way」、「香港隊勁揪」邊遊行至球場，場內港隊球迷區在露天位置，近百名球迷與港隊球員共同「打水戰」。

隨團的球迷有「老司機」Carey，近年大部分作客賽事皆見其身影，自2019年開始頻頻跟隨港隊作客周遊列國，幾年下來去過土庫曼、烏茲別克、泰國、韓國、新加坡，及卡塔爾等國家。

球迷感謝港隊帶領遊歷世界 稱「有咁嘅機會咪去當增廣見聞」

Carey 今次會逗留日本21日，除了撐足6場港隊男女足賽事，另會欣賞網球、場地單車及七人欖球比賽，在沒有賽事的空檔，便駕車四處觀光，笑言「除咗睇波之外，有時當放鬆一下嚟旅行」，


資料圖片

不過，Carey 最想感謝港隊帶他遊歷世界：「好多地方如果唔係香港隊去嘅話，基本上你係唔會特登去。既然啲地方比較新鮮，譬如中亞嗰啲國家，俾你諗第一時間都唔會諗去呢啲地方，如果有咁嘅機會咪去當增廣見聞。」在過去兩年的作客生涯，Carey亦認識不少球迷一同觀光及遊玩。

16年前首隨港隊作客 難忘去年遠征呼和浩特

在昨晚的豐田體育場內，港隊球迷被「安排」到龍門後的露天位置打氨。崔先生與數名球迷冒雨掛上橫幅，整場賽事雨勢時大時小，近百名球迷與港隊球員一起「打水戰」。

談起亞運會，Carey 第一次跟隨港隊作客正是2010年廣州亞運會，他憶述當年的情況，港隊的散客球迷在花都運動場內各自坐：「之前根本就係你有你坐，我有我坐，大家睇完波咪走囉，拜拜。」在16年後的今日，Carey 從未想過能夠聚集一大班人共同打氣：「感覺氣氛一定會好啲，對球員嘅推動性會大啲，會聽到球迷打氣。」

談到最難忘的作客，Carey 分享去年亞足聯女子五人制足球亞洲盃，賽事由內蒙古呼和浩特舉辦，他
指女足球迷不多，就只有10多人特意到當地支持，「球員對啲球迷比較close」，再者場地面積較11人足球為小：「大家啲interaction（互動）比較多，好輕易等啲球員出嚟，我仲好記得（足總五人足球經理）曾偉忠特登走過嚟一齊影相話要say thank you⋯⋯雖然嗰啲球員真係唔識嘅，好老實，因為5人足球同11人有分別，但感覺係親民好多。」

任公關公司老闆 作客須精打細算

跟隨港隊作客，難免花費一定支出及時間。Carey可說是幸運的一群。Carey 正職開設公關公司，作為老闆時間上可說是較為彈性，但亦要無時無刻處理工作。在開波後落着大雨，他仍要不時查看電話，向記者笑稱「其實我喺下低度做緊嘢」。此外，Carey 不時在球迷作客通訊群組分享飲食：「好多時咪話我飲咖啡嘅，其實係做緊嘢㗎，即係有時間咪做嘢。」

至於使費方面，崔先生就有一番見解：「其實作客唔係你想像中洗咁多錢，譬如今次我嗰度大約使費都係五位數啱啱好，一來我就住得遠，二來同人夾房，要精打細算所有嘢。」

他又笑言，即使不跟隨港隊作客亦會將錢花費在「無謂嘢」，但強調會視乎財力量力而為：「趁有機會去完，之後生存到，唔會窮到飯都冇得開嘅，我覺得值得，因為真係可以見識到好多嘢。」

報考球證冀付出更多 盼讓更多港人參與比賽

Carey去年「全勤」港隊的作客賽事，前年則除了作客斐濟的兩場賽事，同樣「到齊」。之所以缺席斐濟，原來是參與了球證班，Carey指報考球證的想法，是在作客卡塔爾亞洲盃賽決賽周後萌生，有感可以為香港足球付出更多，自己亦可以更理解足球比賽：「知道平時點解會有咁嘅判決」。

另外，Carey 目前已在「業餘波」的賽事擔任球證，以另一個身分支持本地足球，笑言「基本上夜晚唔係做球證就係踢波」。他表示，擔任球證只為了讓更多港人參與足球比賽，又分享說：「夏季報咗吹學界，睇吓佢會唔會俾我吹，嚟緊目標都係想試吓學界。」

版權: 
禁止衍生