【獨媒報導】十一國慶日將至，飲食業界第四年推出國慶優惠活動，今年有逾3,800間商舖參與。港人赴日熱潮持續，香港日本食品及料理業協會主席吳德曉在昨日記者會指，不少在港的日本餐廳和麵包店亦有參與十一優惠活動，「我明白而家啲日本円平，大家都好鍾意去日本玩，但其實我哋香港都有好多好嘅日本餐廳，今次都好開心可以一齊參與呢個活動」、「希望去日本之前，或者都喺香港留低消費」。


梁進

自由黨飲食界立法會議員梁進表示，今年參與的商舖比以往的優惠活動更多和更多元化，優惠亦「豐儉由人」，有以往業界有提供的全單七折，亦有超過1,000元的套餐優惠。由於今年是中華人民共和國成立77周年，部份商戶亦推出七七折、77元或10.1元等優惠。梁進稱感受到業界支持，以及對十一國慶的重視。

梁進又指，活動繼續響應政府推廣的「銀髮經濟」、關懷長者，續有食肆提供軟餐折扣優惠，透過出示長者卡或陪同長者前往商舖領取，鼓勵「一家大細共享節日嘅歡樂」。


吳德曉

香港日本食品及料理業協會主席吳德曉指，十一優惠有不少日本餐廳和麵包店參與，「我明白而家啲日本円平，大家都好鍾意去日本玩，但其實我哋香港都有好多好嘅日本餐廳，今次都好開心可以一齊參與呢個活動」、「希望去日本之前，或者都喺香港留低消費。」

香港酒店業主聯會執行總幹事徐英偉亦和應，指各大酒店的日本食材更新鮮，「我哋日本嘅食材其實有時仲新鮮過你喺日本食，因為即日到呀嘛。」


張宇人

張宇人：連續數日優惠可「一路食落去」

前任飲食界的立法會議員、現以香港飲食業聯合總會會長參與的張宇人感謝飲食界支持，指今年不少食肆提供橫跨數天的優惠，籲市民提早上網查閱、編排前往不同商舖的時間，「宜家我更加開心嘅呢就係，以前我淨係得1號，食到個人好滯。但宜家我知道呢有好多食肆……今年有28、29、30、1號，一路食落去。希望大家留意，應該做少少計劃。」

建華及旗下街市首度參與

建華集團今年首度參與優惠活動，包括旗下品牌「香港街市」和「包點先生」亦有參與。「香港街市」旗下23個街市共78個商戶，分別在177間店舖提供89個餐飲和新鮮食品優惠，例如77元購買11個金奇異果、77元冰鮮雞、7元蕃茄和薯仔及7元購買7粒魚蛋等。

其他食肆方面，太興集團一如以往提供全日堂食七折優惠；大家樂推出101元紅燒素翅二人晚餐、七折食得樂輕嚥料理便當；美心快餐提供海南雞系列七七折、軟心膳軟餐七折優惠。富豪酒店則提供指定餐廳全單七折，以及特別訂製468元「富貴國慶宴」；7-11便利店就提供美式咖啡11元杯優惠等。

指推動生意額非初衷

會上有記者問到，近年不少內地餐飲品牌在港設立店舖，今年有否與內地品牌接洽。梁進指曾聯絡部分內地餐飲集團，亦見他們感興趣，「不過可能大部份嘅內地品牌，都係呢一兩年來港，未好熟悉我哋成個運作，或者平時啲推廣我哋嘅形式係點，但我相信今次就算佢哋未參與。」他續說，明年為香港七一回歸30周年，「或者我哋留白，睇吓下年30周年嘅情況係點。」

被問到活動預期會帶來多少額外生意額，梁進強調，優惠活動首次舉辦時並不是為了提升營業額，只是為慶祝國慶，但因活動也算舉辦得「有聲有色」，不少食肆亦反映優惠活動令營業額有所增長，「但至於話增長幾多呢，因為呢個都唔係我哋初衷嚟嘅，咁我哋就唔特別喺度講啦。」

版權: 
禁止衍生