【東盟盃】陳肇鈞啟德入波感震撼 盼年輕球員視作目標
【獨媒報導】港足周三晚出戰國際足協東盟盃第二級別賽事，以2：0小勝汶萊，中場陳肇鈞為球隊打破悶局。陳肇鈞在賽後向《獨媒》表示，在啟德入波很震撼，並感謝球迷：「終於feel 到啟德威力喺邊度，長遠嚟講叫做我哋屋企，有啲咩大型比賽都可以喺度踢。」陳肇鈞又認為，啟德不單是一個球場，更擁有超強的凝聚力：「無論係我或者下一代，嗯，我都唔會喺度好耐。佢哋都會望住呢個目標進發，唔一定話要入波，但都要交到一定水準出嚟。」
在比賽後，陳肇鈞對入球感到高興，但承認球隊整體表現有改善的地方，因為港隊今場作出多個輪換，並派出多名年輕球員：「可能我哋未夾慣，做唔到一個應該有嘅效果。」不過，他認為隊友已十分搏命，並已按主教練盧比度的部署。
《獨媒》問到是否習慣盧比度麾下433中場的角色，陳肇鈞稱沒有特別去想，自言踢了多年「踢咩位都係咁樣踢」：「總之發揮返我應該有嘅水準，無論係控傳，或者入去禁區，都要交到功課俾隊波。」
決賽硬撼柬埔寨 陳肇鈞：須踢出踢出符合外界期望的水平
《獨媒》問到在啟德體育園主場館入波的感受，陳肇鈞稱在啟德入波很震撼，並感謝球迷：「終於feel 到啟德威力喺邊度，希望我哋長遠嚟講，可以叫做我哋屋企，有啲咩大型比賽都可喺度踢。」
陳肇鈞認為啟德不單是一個球場，更擁有超強的凝聚力：「無論係我或者下一代，嗯，我都唔會喺度好耐。佢哋都會望住呢個目標進發，唔一定話要入波，要交到一定水準出嚟。」
被問到周六決賽硬撼柬埔寨，陳肇鈞稱信心一定有，但要視乎球員發揮，相信盧比度能將不同球員磨合得更好。他表示，香港作為今次賽事的主辦方，必須要踢出符合外界期望的水平。
陳潤潼處子登場 「臨尾last一腳未係處理得好好」
至於處子登場的陳潤潼，他在賽後承認，自己賽前有點緊張，但指啟德地標戰遠較過去青年隊有分別，加上國際賽及球迷的氣氛，「感覺好好」。
被問到上半場出波有改善空間，陳潤潼同意可以做得更好，「臨尾last一腳未係處理得好好」。談到未有踢畢整場賽事，他笑言「今場有得踢已經好開心」。
記者追問港隊三年前大勝10：0汶萊，今場僅小勝2：0，陳潤潼認為不能同日而語，因為今次是盃賽，加上三日前踢畢另一場比賽：「有輪換，絕對唔係『夫添』，所以唔可能咁比。」