【獨媒報導】港足周六（3日）晚以2：0擊敗柬埔寨，以東道主身份捧起首屆國際足協東盟挑戰盃獎座。前鋒安永佳三場賽事入三球，包括於決賽中先開紀錄。安永佳賽後被問到港足於今年6月作客柬埔寨時吞下敗仗，今次勝仗是否「完美復仇」，他直認不諱，形客該場比賽如一場「意外」，指大家未有發揮應有水準，令柬埔寨贏得理所當然，但同時亦成就今日贏波的巨大動力：「我哋知道自己實力，亦都知道我哋俾柬埔寨優秀，我哋無辦法接受6月嘅失敗，所以今日要糾正一切。」他亦感謝球迷在柬埔寨猛攻時的支持，給予大家很大力量：「呢場勝利係屬於你哋！」

安永佳指輸波成就今日動力

港足今年6月作客柬埔寨進行友賽，奈何表現被動，全場僅得2次射門兼0中目標，最終以0：2落敗，是近55年來首次不敵該支東南亞對手，主教練盧比度賽後更被球迷質問。安永佳該仗正選上陣未能建功，事隔近四個月返回啟德再遇對手，結果攻入一球協助球隊奪冠。他指勝出感覺很奇妙，特別是贏得國際足協賽事的獎盃，又提到去年反敗予新加坡，未能再次晉身亞洲盃決賽周：「好想為球迷帶嚟歡呼同希望，同時為球隊帶嚟正面嘅氣勢」，相信今次每個球迷都很高興港隊贏得比賽。

安永佳在整個東盟盃賽事每場均有入球，以3球成為賽事神射手。有記者問到啟德是否其「幸運之地」，他笑言「可能，我都唔知算唔算幸運」，但認為球隊為自己創造不少機會，強調作為前鋒職責就是入球，很開心今日再次做到。

被問到有何說話想向球迷表示，他就指非常感謝每一個到場支持的人，稱「你哋（球迷）俾咗好大力量我哋，特別下半場柬埔寨狂攻時，我哋好需要額外動力，你哋一直都喺度打氣」。他又指對球員來說，每次在啟德比賽很感受到為港而戰，再次衷心感激球迷支持：「呢場勝利係屬於你哋。」

盼用入球獲更多尊重

對於有球迷「惡搞」其「gel頭」次數影片，安永佳就笑言「我知道我成日整個頭，啲朋友同屋企人都咁講我，指「gel頭」是一種習慣，甚至在比賽中沒有意識做出來，但強調沒有影響發揮。有記者追問受球迷批評會否感到不舒服，他坦言不會，更稱自己應該是香港足球歷史上受過最多批評的球員，但認為這些批評都成為前進的額外動力：「睇吓我都喺好多關鍵時刻入咗重要一球，可能都係時候令佢哋覺得我可以受多少少尊重。」

龐焯熙樂見葉鴻輝復出 指可提升練習水平

港隊3場攻入8球兼零封對手，於兩場比賽中任正選守門員的龐焯熙賽後就謙稱：「都係大家嘅努力，最緊要贏到波。」並強調謝家榮於第二場比事亦做到「零失球」。他感謝主教練盧比度信任：「真係冇估到佢咁大膽俾我踢，本身都係預家榮之後先係我，所以好多謝佢俾到我呢個機會，我都會好好把握。」

有記者提到葉鴻輝即將復出，會否擔心機會減少。Bear稱阿輝復出是一件好事：「同埋有佢喺度練波，一定質量會有提升，同埋我真係想名正言順咁證明俾佢睇，我係有能力坐呢個位。」他強調葉鴻輝在他心目中是「Legend級別」的存在，自己仍有很多地方需要向他學習，除了技術亦包括場上的壓場感與領袖氣質，「所以好想快啲出返去同佢練波」。

《獨媒》問到今次贏回柬埔寨一仗的感受，Bear就稱「睇住場波贏返，同埋攞埋個冠軍，係好爽啦」，但坦言以兩個回合計算，大家都是2：2打和，認為球隊仍有很大進步空間：「你見柬埔寨好可能我哋以前都係贏到，冇話贏硬，贏到但係我哋都仲要進步。」

版權: 
禁止衍生