【獨媒報導】近十年香港男子足球代表隊外地作客，無論大大小小的賽事，看台總會出現球迷組織「香港力量」的旗幟。他們的旗幟，近年亦會出現在青年隊及女子隊的賽事。

今年九月中至十月初，先有香港男女子足球隊出戰愛知名古屋亞運，小組賽合共有六場賽事。緊接而來的是港隊男足主場出戰東盟盃第二組別，小組賽連同決賽有三場賽事。

如何為這九場賽事打氣，便是「香港力量」成員恆仔的一個月。

＊＊＊＊＊

亞運女子隊首場賽事於9月14日舉行，《獨媒》記者與恆仔早一日抵達名古屋，他最重要的行李，裝有打氣用的大鼓、數支旗幟、衣夾，以及球迷自家設計的貼紙，自言「基本上冇準備啲咩物資，反而帶少咗嘢。」

準備打氣物資的第一件事，是了解場地規則，亞運就旗幟的限制為1×2公尺，亦未有列明是否容許帶鼓。恆仔過往亦曾到亞運打氣，了解到限制嚴謹，只能抱著或會被拒入場的心態，將鼓帶上飛機，「試下呀嘛，都買咗（寄倉）行李，唔通唔試咩。」

首場港隊賽事為女足面對中國女足，地點在歧阜長良川競技場，恆仔與「香港力量」其他成員提早一個多小時入場，打氣鼓一如所料被拒入場。幸運地是，恆仔向香港足總職員求助，經一番溝通後獲順利放行。

「香港力量」成員進場後，一如以往開始懸掛橫幅及組裝旗幟，不過一張印有「香港力量」橫幅超過尺寸，被賽會職員要求收起。


＊＊＊＊＊

這不是恆仔首次為參與亞運的港隊打氣。恆仔的第一次是2018年印尼雅加達亞運，那年賽事每場僅有數名港隊球迷撐場。

今次愛知名古屋亞運，時間已是2026年，港隊的球迷群不可同日而語，加上地點是「鄉下」，每場皆有逾百名港隊球迷撐場。「如果今屆亞運唔喺日本搞，喺二、三線啲東南亞國家搞，可能都冇咁多人，三分一得返，好似我哋去斐濟都得10鬆個人，所以既係日本又要對日本，大家都去。」

「證明作客呢樣嘢成咗一個風氣，你唔好理佢咩比賽，對我嚟講U16、U20、大仔大女同五人都係一樣，我唔會話大隊重要啲，細隊就唔重要。」

亞運足球隊由U23球員為主，配搭三名超齡球員，受關注度始終不如成年隊。恆仔亦自言亞運對自己「意義不大」，相比八年前，心態亦有所轉變，「咁你以前去得少，你每一個（作客）都會『嘩，好似有啲新嘢』咁樣，其實你去多咗慢慢冇太大驚奇，所以今次反而係趁呢個機會，好似睇吓波咁發掘下日本。」


「香港力量」恆仔

＊＊＊＊＊

恆仔今次亞運「發掘」的日本，是當地的五人制足球（Futsal）發展。本身是本地球隊教練的他，走訪三個球場（本巢Futsal Arena、北名古屋Futsal AREA，以及靜岡縣S-Pulse Dream Field），落場參與五人制足球（Futsal），「感受吓呀嘛，呢度踢足球個culture，係同香港好唔一樣，因為佢踢法同文化，或者玩嗰個方法都唔一樣。」「如果你落去有少少波底，你就會好enjoy，因為佢哋全部俾波、走位嗰啲好明確清晰，亦都唔會喺度指示人，唔使指示佢哋都會知點做。」

對比香港五人制足球，恆仔認為日本鼓勵性較強：「香港就比較鍾意鬧多啲，譬如你傳個波俾人接應唔到，就會好容易閪面。」

恆仔提到，單單日職聯球隊清水心跳在日本，便有5個室內五人制足球館，皆屬球會的私人場地，除了讓球員訓練外，亦恆常舉辦興趣班及活動。


靜岡縣S-Pulse Dream Field，由日職球隊球隊清水心跳經營的五人制足球場及運動設施。（受訪者提供相片）

此外，日本有「Coaching Clinic」，球隊會安排職業球員落場教波，每個月不同專項訓練主題，如防守或進攻等，予沒有球會或教練的業餘人士參與。學員互不相識，不需要整體配合訓練，教練亦會更仔細個別指導學生，「譬如我參與去練一隊波，要整體去練個踢法，但係我哋唔使㗎，喺呢度全部做個人嘅技術，你咪可以好仔細練，就算好似我哋呢啲咁嘅年紀，想為自己射門、傳波或控球做好啲，搵一日專做呢樣嘢，咁我又可以跟一個職業球員練，對於一個草根足球係一個好好嘅support。」


S-Pulse Dream Field的五人制足球場。（受訪者提供相片）

＊＊＊＊＊

恆仔第一次隨港隊作客是2013年，當時跟團前往惠州觀看省港盃。因為學業忙碌，第二次作客已經是四年後的2017年。

2023年疫後，恆仔為自己訂立作客「全勤」的目標，首個地點是不丹，「到而家A級賽都冇斷過一場，但係其實冇話刻意，本身一路都想去埋呢個就算，跟住（感覺）好正喎，又歐洲又大洋洲，柬埔寨嗰啲都去過三次，好可疑㗎，兩年都去兩次，唔講你以為去打電話。」

去年7月港隊在韓國出戰東亞足球錦標賽，恆仔因為工作關係「三進三出」，自言「好似好有型咁，但係其實好辛苦」，只是考慮到「你喺嗰度住酒店幾日，又冇諗住睇其他嘢，返嚟香港開兩日工仲抵喎。」去年9月的泰王盃，恆仔繼續進進出出泰國，感嘆「有少少好似變咗好任務式去睇波。」

＊＊＊＊＊

男女子港隊，在亞運皆無緣晉級，最後一場賽事是9月23日男足對吉爾吉斯。賽事結束後，恆仔隨即返港，準備為港隊出戰東盟盃第二級別的打氣工作。

首場賽事是9月25日，由於東盟盃主辦方為國際足協（FIFA），部分打氣物品例如旗桿，需改用符合其要求的塑料或碳纖維旗桿。

不過賽前一天，「香港力量」與另一球迷組織「波台黐線佬」一樣，突然被通知部份旗幟「被ban」。恆仔連番據理力爭後，前排大旗獲准使用，細旗則在足總及外判制作公司YM Production協助下，即時覓得過百支膠管旗杆替代。

決賽當日，國際足協主席恩芬天奴大駕光臨，球迷組織則再度有打氣旗幟地被拒入場，「香港力量」有兩支大旗被拒，包括首兩場賽事皆順利入場的「我永遠撐香港」，以及寫上多個名宿名字的旗幟。

「衝突」一直至開賽前，FIFA官員走到球迷區時，有不滿的球迷高呼「FIFA MAFIA」。FIFA官員隨即要求香港足總職員作出警告，著球迷停止呼叫反FIFA口號，否則會採取行動，「威脅我哋話收大聲公，甚至話唔開波。」


不過這些警告，令一眾球迷行動起來，隨了在恩芬天奴在賽前手捧獎杯「出場」時報以噓聲，又即場製作一幅貼上「FIFA MAFIA」的旗幟，在賽後恩芬天奴頒獎時揮舞。