【獨媒報導】Keeta近年推出「先搶先得」（「搶單」制度），為不少外賣員詬病，去年曾有車手於多區罷工抗議。一名外賣電單車車手今年5月因為「搶單」而發生交通意外，致全身癱瘓，申請賠償至今近半年仍未獲回覆。《獨媒》曾向Keeta查詢，至截稿未獲回覆。

今年5月1日，外賣車手Joe送完訂單駕駛電單車返回粉嶺祥華邨，駛至上水掃管埔路近迴旋處位置時，收到Keeta發出一張「搶單」訊息，他下意識望向手機但未有即時「搶單」，大約兩秒後，Joe視線從手機望回前方路面時，發現前方有車輛停靠，即時向右轉軚，但最終閃避不及撞上前車，Joe連人帶車跌在地上，動彈不得，需由其他司機代為報警。

Joe被送往威爾斯親王醫院後，被診斷頸椎C3/4段脊髓受壓，導致全身癱瘓，手腳無法郁動，至今一直留院接受治療和觀察。醫生判斷Joe的頸椎受到永久損傷，情況無法逆轉。

在醫院躺卧在病床5個月的Joe憶述當時情況，直言「冇諗過會咁」，他說：「接唔接（單）係其次，通常得我哋都會望咗先，嗰啲鐘數都係『搶單』，又有高貼士，第一時間都會望一望。」他稱做完手術後初時感覺疼痛，之後抽筋，全身麻痺及痙攣，「開頭都有藥食，痛感覺冇乜。之後一路減藥開始會痛啲，藥效停咗有時會痛到大嗌。（痛到瞓唔到？）會，藥效過咗就醒，痛咗一段時間攰又會瞓番。」

獲知丈夫發生意外後，其妻阿儀指「下意識都知到大件事，北區（醫院）咁近都唔去。」隨趕到醫院了解事件，「醫生同我講要有心理準備，佢（康復）應該漫長，可能要做手術，可能要做好多treatment。嗰刻集中精神照顧咗佢先。」Joe完成手術後先於深切治療部留醫一星期，向太太交代銀行戶口、身份證、保險等資料。

醫院社工催促找院舍

阿儀形容當刻「（佢）好似交帶遺言咁，話無乜嘢留低俾我，對唔住囉。」Joe其後再轉到骨科病房住了一個月，6月8日再轉到大埔醫院脊髓損傷及骨科康復病房，「醫務社工好快同我講叫我搵院舍，當時我反應咁大件事，咁快要逼佢走，社工話唔係，叫我搵定先。」阿儀引述當時醫務社工說：「三個月係黃金時間，有乜進展係要出院。」社工至今仍每星期兩三次致電她查詢尋找院舍進度，她說：「佢（Joe）情況比較麻煩啲，唔係咁多院舍可以收佢，同埋院舍都有營運限制，佢未夠60歲。」

阿儀與Joe結婚後育有一女，現於英國工作。她稱丈夫曾任職連鎖薄餅店外賣員7年，「佢話人工低又受氣，年紀唔同咗，想轉一轉工作模式」。2023年Keeta進駐香港，Joe成為首批外賣員，由於有多年送外賣經驗，加上自18歲開始已駕駛電單車，經驗充足。Joe自成為Keeta外賣員後，除落雨打風不開工外，一至日每日至少做10小時，月薪約2萬至3萬元。

遭稅局追稅8萬

阿儀每日傍晚收工，從不間斷趕到醫院探望，幫助Joe按摩以減輕他的痛楚，坦言「攰到唔識有心情，每日放工即刻去醫院，返到屋企又要照顧動物。」她慶幸自己仍有工作，當刻最大困難是稅務局追稅8萬元，「佢依家零收入，如何交萬蚊嘅稅？稅局話有一半係預繳，我話依家出咗事，仲要預繳？上年交2萬，點解依家交8萬？我哋合併報稅，但咁多年次次佢都分開評稅。」

面對醫院催促及稅務局追稅，阿儀直言這幾個月來心力交瘁，「係逼你去搵院舍但佢又幫你唔到去搵院舍。（逼在眉捷係咩？）都係院舍問題，醫生同社工要交番個床位出嚟，話佢復康進度已去到盡。」

Joe自5月受傷後，曾向Keeta申報工傷，惟至金仍未得到任何回應，阿儀說：「我喺Apps撳完之後，完全冇人覆過我，Keeta保險公司話收到。我交哂所有文件，除咗口供紙，佢隻手郁唔到簽唔到名，叫我寫封信證明佢全身癱瘓郁唔到。」

對於Keeta「搶單」制度，阿儀認為做法有問題，會令車手分心而構成危險，又認為外賣員由上線到下線期間都應該受到保障。

Screenshot_20261011_185527_Keeta 搶單截圖

團體促確立平台與工作者僱傭關係

協助阿Joe的香港基督教工業委員會批評，Keeta工作訂單分配不均及「搶單」制度，已被外賣員詬病多時，「搶單」通知令外賣員駕駛時分心，大大增加他們在路面工作的風險。委員會促請Keeta盡快為家屬提供協助、盡快就Joe的意外事故作出合理賠償及立即檢討其工作制度，取消搶單機制，確保公平派單。

政府去年於《施政報告》提出「數碼平台行業三方小組」，擬議的平台工作者工傷補償機制會清晰定義「平台工作者」、「平台營運商」、用以計算補償項目的「收入」及受保障的工作期間等重要概念，為平台工作者因工受傷或死亡可獲的保障提供法律基礎。

該會建議新法例應：確立平台公司與平台工作者的僱傭關係；設定最低工資或單價標準；確保平台工作者擁有不差於《僱員補償條例》的工傷和職業病保障，包括：上線候命和搶單時間亦必須納入「受保障的工作時間」，病假補償應設最低收入，並需計算兼職收入損失在內；規定平台公司受《職業安全及健康條例》監管，保障平台工作者的安全與健康。

勞工處：10月13日收到平台呈報個案

勞工處回覆《獨媒》表示，僱員補償科於2026年10月13日收到由有關受傷平台工作者呈報的工傷個案，勞工處會盡快聯絡有關平台作出跟進。對於以立法方式完善數碼平台工作者（如外賣員、送貨員等）的工傷補償機制，勞工處稱政府現正全力推進相關的法例草擬工作，以期今年年底前向立法會提交立法建議。政府亦會繼續通過數碼平台行業三方小組商議持份者關注的議題。

另一外賣員陳先生亦向《獨媒》表示，不滿Keeta「搶單」制度，「我送緊單佢都可以插張單，令到你要處理，要諗下接唔接或者順唔順路。疊單又食咗你三成差價，好唔公平。」他指不少同業皆不滿「內捲式的做法」，形容「壓窄我哋前線」。

對於政府或會立法保障外賣員權益，他指勞工法例已清楚列明工傷賠償，期望政府立例不能比現有的法例差，「差過呢個就唔好搞」，同時要界定外賣員屬自僱或是平台僱員。

_MG_5276
另一名外賣員張先生，曾在踩單車送外賣時曾遇上意外，導致手指骨彎曲變形，腳部亦受傷，不能長時間站立。