【獨媒報導】大埔作客泰國後日將迎戰巴吞聯，迎來亞冠二分組賽第四輪賽事。「綠戰士」今早到巴吞訓練場進行首課操練，力爭今場復出的大埔中場球員陳肇鈞向《獨媒》表示，希望球隊今場能夠搶得分數，包括取得入球，並感激球迷對球隊不離不棄：「無論傳出負面嘢、新聞，或者去向幾唔明朗，佢哋都係無停過支持我哋。我哋要一路keep 住俾返鬥志佢哋，我哋知道唔係最漂亮嘅足球，我哋有自知之明，但一定會搏到盡，亞冠條路幾難行都好，多謝佢哋不離不棄。」

《獨媒》記者 泰國直擊

大埔今次共有20名球員到泰國，包括首次隨隊作客的張憙延、陳凱柏及黃琛喆。「綠戰士」昨晚獲球隊主席林奕權安排到位於曼谷市中心的文興酒家食飯，球隊今早再到巴吞練習場進行首課訓練。

在訓練期間，摩連奴一度出現熱壓力，要在場邊休息，守門員盧兆崎早前眼睛意外受傷，並已完成受手術，今日訓練時仍要帶上運動眼鏡。

陳肇鈞稱已相對了解對手 盼搶分入波

大埔球員陳肇鈞在訓練後向《獨媒》表示，自己已康復，明言希望今場能夠搶得分數，包括取得入球。他續提到，巴吞聯剛剛在五日內兩賽，相信花了不少氣力，加上己隊已相對了解對手：「所以我可以出到嚟嘅話，加埋幾個有狀態嘅球員可以搶到分。」

逾20名「綠戰士」球迷到泰國支持球隊，陳肇鈞感謝球迷的付出，因為賽事在周中舉行，必須請假遠赴當地，「好感激佢哋對球會不離不棄」：「無論傳出負面嘢、新聞，或者去向幾唔明朗，佢哋都係無停過支持我哋。我哋要一路keep 住俾返鬥志佢哋，我哋知道唔係最漂亮嘅足球，我哋有自知之明，但一定會搏到盡，亞冠條路幾難行都好，多謝佢哋不離不棄。」

慶幸未有球員受傷 周四或面對雨戰

大埔主教練李志堅則向《獨媒》稱，今日訓練慶幸未有球員受傷，形容大致上理想，並指原本預計今周會落雨，球員反映濕度高，所以有點辛苦。

對於或要面對雨戰，李志堅稱香港球員對雨戰有一定經驗，但重申主客球隊「都踢同一個場」：「可能對方適應得好啲嘅，輪換出嚟嘅球員都可能相對有質素嘅，呢個係我哋嚟緊要面對嘅問題嚟嘅。」

責任要令球員盡力作賽 李志堅：不論自己帶住咩球隊，都係代表香港

大埔今季面對「資源問題」，華人球員亦數目不足，李志堅多番強調外界要對球隊有合理期望。《獨媒》問到今場的「合理期望」，李志堅指大埔代表香港出賽，有很大的心理負擔：「不論自己帶住咩球隊，都係代表香港，唔會想輸，就算輸都唔可以輸陣，精神面貌同態度俾人知我哋有努力爭取，足球就係優勝劣敗，你好人哋更好，你唔夠好就輸。」

李志堅最後表示，自己責任是要令球員盡力作賽，「令到大家都盡力」：「唔好放棄，因為打呢啲比賽好容易崩潰，當你實力有一定差異，一落後嘅情況，嗰個時候要大家堅持到，唔好因為輸啦就沉淪。」

版權: 
禁止衍生