【獨媒報導】去屆本地雙料盃賽冠軍大埔，今季迎來大幅度變動，會長葉吳彬彬、副主席兼領隊葉志雄淡出領導層。在預算減少，多名主力離隊下，大埔主教練李志堅迎難而上，帶領「綠戰士」出戰亞冠二，他接受《獨媒》訪問時不諱言，今季是教練生涯以來較困難的一季，個人仍會聚焦正面心態應對：「人要正比嘅，我都做咗咁多年，要負起一個責任。如果我係初出茅廬，坦白講唔應該有壓力，唔應該對我咁大期望。但你做咗一段時間，又做到一啲成績，你就知道人哋對你有期望係好事嚟，代表香港就要盡全力。」

《獨媒》記者 泰國直擊

足球教練每逢應徵新崗位，總會被問到其足球哲學及理念是什麼。記者決定單刀直入，問這名曾兩奪香港足球明星選舉最佳教練同一問題。李志堅的答案是溝通，指如何令球員配合球隊最為重要：「11個球員已經唔同language，如果mindset 都唔一致，踢出嚟會好大分別，咁玩完啦。」

他舉例說，自己常常會詢問球員「你覺得O唔OKAY」，因為深諳球員各有所長：「唔係我講就得㗎嘛，我亦都唔係戰術大師。我個戰術就係大家傾好佢。『咁樣得唔得』，我勉強唔到，我當然想個個好似艾華頓咁扭上去射，『但明知你唔得㗎嘛』，調返轉叫艾華頓上上落落亦都未必可以吧。」

曾從事不同行業 朋友一句說話讀教練班

訪問在大埔到達泰國完成首課訓練，記者跟李志堅回程酒店期間進行，今次亦是他第三次帶領「綠戰士」出戰亞洲賽。然而，李志堅其實沒有想過成為足球教練，他在中學年代一邊讀書，一邊返兼職，第一份工作是在快餐店BURGER KING上班，及後更升至經理，從中學會管理。

後來曾經從事建築材料，身兼經營時裝店，再開設外傭僱傭公司，李志堅自言十分幸運，感恩人生不斷遇到伯樂的賞識。要說步入球圈的起點，李志堅有一名本身是足球教練的朋友，對方說了一句「足球教練十分適合你」，因此報讀了足球教練班，他原本只視為玩票性質，誰知便改變了人生路向。

在2000年暑假期間，李志堅擔任麥當勞青少年暑期足球計劃的教練，時任足總技術及發展總監曾偉忠其後邀請他參與足總轄下的地區足球培訓計劃，負責大埔區，自此與大埔結緣。

郭家明帶入行 「一開始咗就返唔到轉頭」

那時候，機會接踵而來。時任港隊守門員教練朱國權致電李志堅，原來是郭家明希望李志堅能擔任教港隊青年隊助理教練。港隊當時只有兩支青年隊，即1989/1990年，及1992/1993年出生的球員。李志堅上任後者助教一職後，首個任務便是帶隊到武漢13日參與比賽。誰知到了第四日，主教練黎新祥便離開球隊，改為主力負責1989/1990年隊，李志堅遂接任1992/1993年隊主教練，這亦是其口中的「一開始咗就返唔到轉頭」。

那年頭，港隊代表隊教練只有300元一堂，李志堅仍未考慮轉任全職足球教練，「只係越嚟越過份地參與」：「其實真係唔到我諗，突然間有得做，亦唔係我可以預計，你點會諗到啫？郭家明喎！我好崇拜郭家明，因為細個踢波啲朋友講郭Sir 好叻，突然間郭家明俾機會你，梗係開心。」

黎新祥其後轉任出戰港甲香港08的主教練，1989/1990年隊改由李健和接手，後者當時仍為港甲球隊晨曦的全職球員，所以未能在晚上帶隊訓練，唯有遂由李志堅一併負責。兩支港隊青年隊加上青苗，及周末進行比賽，這已經擠滿了李志堅的時間表，他唯有結束外傭僱傭公司。

李志堅還記得這樣的一個畫面，郭家明曾經喚他「千祈唔好做全職教練」：「嗯，嗰陣時覺得生意幾時都做得，但機會唔係成日有，萬中無一㗎嘛，你唔試吓第日會後悔。」

「小飛俠」可一可不再 直言時間心力長

如是者，李志堅慢慢凝聚了一眾今日球迷耳熟能詳的球員，包括李嘉耀、羅港威、梁冠聰、黃威、劉卓軒、陳肇鈞、李家豪、馮慶燁、方栢倫及洪政業等，組成「小飛俠」，並且橫掃全港各級青少年足球賽事。

這群年輕人從入選港隊代表隊青年隊，到贏得曼聯超級盃，成為該項世界賽的香港代表，可惜在世界賽中功敗垂成，未能到奧脫福球場比賽。那邊廂，李志堅重遇讀書時的體育老師兼深水埗體育會足球部主委陳仲山，把心一橫決定以深水埗作起點，從丙組踢起：「呢班人第一個目標散咗，唔可以完喎，試吓一齊衝職業足球，決定由深水埗打上去。」

那支「小飛俠」抑或球迷口中的「堅家軍」，大概已可一不可再。李志堅認為時移世易，加上本港現時足球學校選擇眾多，已難以再複製多一遍，「你要知道嗰個時間同心力係幾長」。

東方的一課 學會設身處地與各方溝通得更好

往後的故事，李志堅先後執教橫濱FC、YFC澳滌、大埔、香港飛馬及東方龍獅，更在2018/19年球季首次替「綠戰士」贏得港超聯冠軍。

在2019/20年球季，李志堅入主東方龍獅出任主教練，兩季下來替球隊取得三個冠軍。他坦言第二個球季過得不開心，女朋友更和球迷吵架，自己認為當時已到達臨界點：「當你見到屋企人都受到攻擊，你就知道要唞吓。未完季，我已經諗做完呢季要唞吓。」

在東方的兩個球季，李志堅有深刻的體會，他已由過往「我有成績我做到嘢，無視其他事情」，銳變成「要多方面去睇，設身處地與各方溝通得更好」：「做主教練要講資源，你無資源無得做，要攞資源就要同老闆、贊助商ask for。」

教練生涯以來較困難一季 聚焦正面心態應對

或許與大埔是天作之合，李志堅在2023/24年球季重返該支區隊，翌季便再次奪得港超聯冠軍，去季更成為本地盃賽雙料冠軍。在外界以為或會更上一層樓之際，大埔今季迎來大幅變動，會長葉吳彬彬、副主席兼領隊葉志雄淡出領導層。

在預算減少，多名主力離開下，李志堅個球季說得最多的說話是——「要有合理期望」。他在訪問中再三強調「所有嘢都要合理期望」，記者不禁插咀說「對球迷偏偏就係最難」。李志堅認為教育十分重要：「所以我覺得我要講，我講咗一次就多一個人知同明白。當然你要知道，佢明白但都有好多情意結喺裡面，『我明明知但都唔理智』，呢個就係足球啦。」

被問到今季的「溝通」是否較以往困難，李志堅認為「溝通一樣」，但新球員融入球隊始終需時，包括了解隊友踢法，而在應付較高水平的亞冠二賽事時，需要更多時間「夾隊友」：「足球事實上係工多藝熟嘅事情，要經過時間、鍛鍊同經驗累積。」

那麼今季是否教練生涯以來，較困難的一季？李志堅不諱言說是，個人仍會聚焦正面心態應對：「人要正比嘅，我都做咗咁多年，要負起一個責任。如果我係初出茅廬，坦白講唔應該有壓力，唔應該對我咁大期望。但你做咗一段時間，又做到一啲成績，你就知道人哋對你有期望係好事嚟，代表香港就要盡全力。」

盼令球員明白「點樣去打呢份工」 把握機會攞更多機會

山重水複疑無路，柳暗花明又一村。李志堅一向以正面見稱，認為在面對逆境時更為重要：「怨天怨地都無用，日子都要過，你做得呢個位，就唔應該埋怨。合理期望係而家呢班球員仲未係好了解，就要面對咁高強度嘅比賽，又咁多條戰線，梗係困難。但對於我嚟講，都係要去做。」

不過，李志堅更希望令球員明白「點樣去打呢份工」，做到「把握機會攞更多機會」：「呢個係球員嘅CV，既然你有機會，你咪盡力去表現。講真，那怕只係入一球。馬卡雷拿入北京國安兩球，你哋講到而家。」

接受球迷任何意見 指世界萬物有陰有陽

在足球以外，李志堅最愛下廚、遛狗及看電影，這是他的減壓法門。說到遛狗，李志堅養了三隻貴婦狗，他有點激動地說：「我三隻都係領養返嚟，千祈唔好買賣動物。」此外，李志堅坦言教育子女不容易，煮飯是與家人維繫關係的最好途徑，「有個渠道約佢，所以係開心事」，平日在粉嶺街市買餸的時候，便常常遇到球迷喧寒問暖。

在訪問中，《獨媒》問到李志堅如何應對球迷的批評。他自問沒有方法，指自己多年來均替所屬球隊贏得好成績：「我一路都keep 住攞盃，其實你贏唔贏唔關佢事，佢唔鍾意你就唔鍾意你，你贏就有9隊輸，9隊人就唔鍾意你，球迷係好忠心，所以好合理。」

李志堅表明接受球迷任何意見，唯一不接受的是偏離事實及誣蔑的內容：「世界萬物有陰有陽，先可以運作正常。我唔係話瀟灑，但你可以點呢，當然唔可以人身攻擊。」

大埔在周一出發到泰國，李志堅出門前往機場時，與一名身穿利物浦球衣球迷乘坐同一部電梯，對方出𨋢後高呼：「堅Sir 加油呀！」說到這裡，李志堅不禁說：「香港球迷其實好Nice 嘅！」

最喜歡馬勒當拿 任教練後難真正享受睇波

李志堅小時候已愛睇波，程度更是十分瘋狂，最喜歡已故阿根廷球王馬勒當拿。他分享了一件趣事，阿根廷有一次作客澳洲，那時候互聯網還未普及，他致電轉播賽事的《無綫電視》，查詢馬勒當拿會否上場。

自成為足球教練後，李志堅已沒有特別喜愛的球隊和球員，因為睇波已成為工作一部分：「睇波會變咗睇其他嘢，你好難真真正正去享受，以前贏波就開心，而家會睇點解人哋會咁樣做，做唔到都學吓，港超我都睇晒。」

常反思如何令球員交出120%

除了港超聯，李志堅近年會觀看英超賽事，他最欣賞白禮頓前主教練樸達（Graham Potter），因為成功令球員執行戰術，是自己的最佳模範。

不管面對順境或逆境，李志堅常常都反思，如何能夠令球員交出120%：「球員同你踢80%、100%同50%係好大分別，同佢有幾叻係兩樣嘢，如果佢踢到120%，你咪好彩。一個係咁，兩個係咁，你係好彩，如果成隊都係咁，你咪好好彩。」

版權: 
禁止衍生