作者：恆（澳門學16號作者之一）

踏入幣圈後，試過唔少WEB3 應用，幾乎每個都有一個宏大願景，絕多數光榮出場，草草收場，簡單歸納一個原因：WEB2 應用還是好用太多了。

想了想，最近恆郎才盡，不如跟讀者們分享一款WEB3 應用，一來獨伏伏，不如眾伏伏；二來水一期16號？？？

好，今日要介紹WEB3 應用叫Fooday，專做食評。戴個頭盔先，呢篇冇收任何人錢。

Fooday標榜市面上食評App都有洗評情況，Fooday就系為有真實食評參考而生。總之，又一個宏大願景。

好了，Fooday如何解決洗評情況？簡單粗暴，提高用戶准入門檻，每位用戶都需要一台NFT「相機」先可以寫食評。

廢話講完，說說自己用了幾個月心得同對呢款App 未來想法，BTW，最後會分享幾組邀請碼，睇完我廢噏完，有興趣都想中下伏，歡迎使用。

阿恆伏評

首先，「相機」有兩種，一種免費，一種收費；免費相機可以參加官方活動OR輸入邀請碼獲得，收費相機一樣簡單粗暴，課金就有。

撇開可能以食評App為名，賣NFT為實這個不談，提高准入門檻，確實可以某程度防止洗評，但有一個非常明顯缺點，樣本數不足。

用左Fooday幾個月，坦白講，參考價值好低，每間食店基本上唔超過10丁友評論。個位數食評，老實講有咩參考價值可言，大家肯定更願意去果D（可能被洗評）WEB2 食評App。

更諷刺系，Fooday推出左一個AI，用戶可以直接問AI有咩推薦，我直接問有咩義大利餐廳推薦，結果AI好誠實話樣本不夠，所以冇餐廳可以推薦，無言.........

為左解決人數問題，Fooday其實有提供誘因，只要留下食評（至少100字），就可以得到「FOOD」代幣，而且寫得愈詳細，FOOD數量愈多，而FOOD可以換真錢。

不過呢個誘因其實都好弱，雖然免費、收費相機都可以獲得FOOD，不過只有收費相機實際上先可以換到真錢，嚴格黎講呢個誘因更加似系吸引人課金買NFT，而唔系為左更多人寫底真實食物體驗。

最近聽說官方有意讓免費相機用戶滿足一定條件，就可以升級相機，如果官方真系有心經營，建議愈快落實愈好，Fooday人數真系少得可憐。

不過站系開發商角度，好容易理解點解咁做。先唔好話系唔系割韭菜，開發、營運一個App點都要錢，冇錢你理想再宏大都好，用愛系發唔到電，開發商要走落去，百分百需要有人課金，呢一刻就系賣NFT為生。

「冇錢你理想再宏大都好，用愛系發唔到電」

以我呢幾年幣圈經驗，就算開發商唔系想賣NFT割韭菜，單靠賣NFT去營運一個App，根本冇可持續性可言，最終只會走入一個惡性循環：買NFT既人愈黎愈少，開發資金自然變少，App開發就愈黎愈慢，本來持有NFT既人會離開，冇NFT既人都冇興趣入局，最後宣告死亡。

Fooday開發團隊可能都心知呢一點，最近推出廣告功能，增加收入來源，只要店家願意付費，Fooday就會提高店家系App曝光度，個人覺得算系正路一步，既然點都需要有人課金，曝光度廣告既不影響大家對店家評價，同時可以為App帶來收入。

不過又回到一個老問題，對於店家黎講，落廣告一定系大平台落，Fooday因為有一定門檻，用戶人數增長速度肯定不如沒有門檻WEB2 App，究竟有幾多店家願意系小平台落廣告，我想系一個極大疑問。

其實開發團隊都唔系冇意識到用戶人數不足問題，最近都不斷推出活動去吸引更多用戶加入，例如舊用戶系IG、Threads等大平台介紹Fooday，就可以獲得FOOD作為獎勵，不過效果有限，始終獎勵唔吸引。

講到呢到，大家可能會很直覺諗到提到獎勵吸引用戶，如果開發團隊出到呢招，大家反而要擔心，羊毛出自羊身上，App冇明顯收入來源，過高獎勵從何而來？多年韭菜經驗，純粹以獎勵吸引用戶，9成9都留不住用戶，最後落得人財兩空的困局。

要如何吸引更多用戶加入，同時維持初心（真實食評），呢個絕對系一個無敵大難題，我自然冇解方，只能交比各位智將思考。

如果仍有興趣...

講左咁多，Fooday好似一文不值，只是筆者受過WEB3太多傷害，把醜話說在前頭，讓大家想想要唔要Join，免得讀者（可能）受一樣傷害。

雖則筆者覺得Fooday要成功突圍而出的可能性極低，用起來也沒有覺得比Google Map好用，但畢竟Fooday還在起步階段，而且抱着試試看，兼紀錄自己曾光顧餐廳的心態使用，其實還好。

看到這裡，假如讀者們也想試試看，我有幾組邀請碼，輸入後可以獲得免費相機。

當然，也要提醒各位沒有被WEB3傷害過的讀者一個警語，如買NFT是因為想靠食評賺錢，千萬千萬千萬唔好買，相信我，以我多年慘痛經驗，莫講話賺錢，唔蝕錢你就要偷笑。

請君入甕邀請碼：Q7PL9RA、GE4SJ9M、Q9H4U1C、JWRE8JE、0860QKA、1H2WNXE、RZLT5TL、X3FL9NR、1L3DHS8

👉 成為免費爐友，郵件收取最新文章